韓國菜

今日學整韓國菜~

韓式sushi



雜菜炒粉絲



辣醬牛肉炒年糕

Citisuper西餐班

27 October 2012
今日去Citisuper 上烹飪班：
- 薯仔大蒜湯（示範）
- 香脆鵝肝伴濃縮意大利醋
- 烤蜜糖法國春雞
配Jaillance Clairette de Die







係Citisuper 上堂最大的優點係佢地的用料，無論廚具同食材都好靚，主要都係用外國或日本野，service都好好。整個上堂過程都非常enjoy~

講番d野食，overall都幾好味。特別想提一提個Jaillance Clairette de Die酒，平時唔係幾飲酒既我，覺得這個酒好好飲，可能就是因為佢的酒味不太濃，我飲了兩杯呢 :P

鮮果乳酪卷

好開心喔~ 今日整左好靚的鮮果乳酪卷!!! 仲好好味 : ) 老公都話好靚同好味，仲榮升佢到蛋糕榜的第二位（第一位仍是菠蘿椰子慕士半圓球蛋糕）！

士多啤梨慕斯卷(半島酒店款式)

今日去學整士多啤梨慕斯卷(半島酒店款式) ，都不是太難整，應該可以係屋再整。

斑蘭天使

9 October 2012

今日去學整斑蘭天使蛋糕，老師教埋我地點整d crunch，好開心啊~

我的製成品：



阿sir的（靚好多喔）：

奶黃月餅

今日去整奶黃月餅，整完出黎好香~ 即場試咗師夫整果d, 好好味~

菠蘿椰子慕士半圓球蛋糕

今日去學整蛋糕，第一次學整小蛋糕，這款蛋糕賣相超靚（雖然係屋企好難整到咁靚），又好味，老公食完之後馬上將佢放成歷來我整嘅蛋糕的第一位 : ）（上次明明話朱古力芒果流沙蛋糕係第一位 :P）

朱古力芒果流沙蛋糕

今日又去學整蛋糕，好靚喔~

芒果乳酪芝士蛋糕

今日去學整芒果乳酪芝士蛋糕，好鐘意阿sir教整呢個裝飾，好靚喔~

抹茶紅豆蛋糕 & club house蛋糕示範班

29 July 2012

今日是整蛋糕日~

下午去工聯會學整抹茶紅豆蛋糕。




晚上在club house上蛋糕示範班，師傅示範整3款蛋糕 - 粟子撻、什果忌廉蛋糕同opera，睇完可以試食，這師傅整的餅好好味，我覺得有酒店的水平。雖然不是足本示範（有d部份已整好咗，主要教抹忌廉、吱栗子蓉同用朱古力吱字），但以學費$10來說，有3件這水平的餅食，又有野學，真是超值~

我吱的栗子撻，亂晒龍，wakakaka...




師傅抹的忌廉蛋糕，好勁，兩三下已將一堆忌廉推到靚靚，好平滑。




師傅整的oprea，有金箔架！我就在我自己果件吱咗自己個名，hehe~

這件餅好好味，好juicy~

西餐班第10堂：炸火腿雞卷，煙肉粟米焗雞柳及煙肉燴南瓜條

今日最後一堂lu

西餐班第七堂：海鮮湯+橙汁鴨胸+梳乎厘

d梳乎厘焗到高高的，好靚喔~ 阿sir仲講咗點整士多啤梨梳乎厘，好似幾好味，遲d試下整先~

芒果流心蛋糕

14 June 2012

今日去學整芒果流心蛋糕，整俾老公做生日蛋糕~

都要花好多心機整架，最難係要片d芒果肉出黎舖面。好彩都幾成功，真係會流心架~

西餐班第六堂：印度咖哩沙律+紅酒汁煎牛扒配薯蓉

9 June 2012

西餐班第五堂：煙三文魚撻+海鮮意粉

今日上堂輕輕鬆鬆煮咗兩樣野。個海鮮意粉幾好味，又唔係太難整，好適合係屋企整，good!

檸檬撻

今日好開心，去學整檸檬撻，好好味~

西餐班第四堂：吞那魚薯仔餅+蟹肉龍蝦汁雞扒伴番茄蘋果莎莎

26 May 2012

個薯仔餅幾得意，其實類似沙律，不過整到一層層咁，即係先將薯仔粒撈完沙律醬舖底，然後舖一層吞那魚，再係面做d裝飾，最後淋上魚膠水，雪凍之後再切成四方形。都未食過咁樣整的沙律，都几得意，這個加d生菜絲係底做頭盤會幾靚。





個蕃茄蘋果莎莎幾好味，做伴菜都幾好，又唔會好似薯菜咁飽。另外，個龍蝦汁都幾好味，不過要用的材料太多同做法都有d複雜，應該唔會自己整了，這個都係出街食吧。

紅桑子芝士蛋糕

西餐班第三堂：芒果大蝦+波蘿汁咖哩豬肉+提子scones

19 May 2011

今堂整咗3樣野，阿sir仲煲埋飯俾我地伴咖哩豬肉，直頭好似整咗成set西餐咁~

我覺得個阿sir教整呢個芒果大蝦整得好靚，我地緊係跟住阿sir個裝飾整番碟出黎啦，下面呢個就係我嘅作品：）做法同材料都簡單，遲d可以係屋企再整~



咖哩豬肉都好味，原來蕃茄汁同咖哩可以咁樣夾埋黎煮。

西餐班第二堂：腸仔薯仔沙律+雜椒煎龍利柳

老公話阿sir教整d野都幾好味, 我拎番屋企俾佢食, 都清晒~