試婚紗晚裝

今日去了唯美主義試Big Day的婚紗晚裝 (遲d婚前1個月時可以再試, 試新款同轉款的). 我地首先睇相簿揀咗d鍾意嘅款, 跟住sales會攞出黎俾我試. 結果我暫定揀了:

1. 通花絹料拖尾婚紗 - 我同bf都對通花絹料婚紗情有獨鍾♥ 絹料會grand d, 好啱註冊march-in時用.

2. 閃閃紗料拖尾婚紗 - 件婚紗都幾閃, 晚宴march-in有d射燈射住, 應該都幾好.

3. 桃紅色晚裝, 我自己超鍾意這件桃紅色晚裝, 裙尾係泡泡款, 我覺得著得我好靚, 好襯我, 媽咪都係咁講, 而且桃紅色好sharp, 影相應該會幾好.

4. 紅色晚裝 - 敬酒時用, 襯金器幾靚, 不過sales話紅色同桃紅色太似, 唔會一齊揀.

5. 金色晚裝 - 敬酒時用, 不過好似紅色襯金器出d, 但係紅色同桃紅色又可能太似, 所以都心大心細唔知揀金色定紅色好. 不過這件金色晚裝著得我麻麻地好睇, 可能遲d轉款時都唔會揀佢.

6. 湖水綠色晚裝 - 送客時用, 這件我自己覺得幾特別, d湖水綠色係漸變的.

原本諗住揀d A-line款, 不過我著起又好似唔係咁靚, 結果都係揀晒綱紗款~~

♥甜蜜台灣之旅 Day 2♥

化妝姐姐準時7點上到我們的房間, 馬上開始同我化妝, 原本我都準備好了乾濕粉卜, 假眼睫毛同安瓶, 點知她全部都準備好了俾我啦. 另外她聽我昨天說要皇冠襯婚紗, 她帶了很多皇冠黎俾我揀, 同埋她聽我說想要d花仔襯我粉紅色的晚裝, 她自己昨天專登整了一些花仔頭飾俾我, 那些花仔整到真係好襯條裙, 真開心啦. 我覺得她化得幾好, 幾自然, 同個頭set得幾好, 我幾鍾意. 之後, 助手同攝影師都陸續上黎, 攝影師係後生仔黎嘅, 他問我地想要咩風格, 我說要浪漫啦♥

9點幾化好妝便出發, 司機幾細心, 準備了水同飲管俾我地, 用飲管飲唔會整走d唇膏. 出去的時候有點雨... (昨天明明好好天架), 確實有點擔心...

我先著婚紗影的. 第一站本來是陽明山的黑森林, 上到陽明山好大雨...... 真的有點無奈... 加上那個黑森林唔知係咪有人拍緊戲, 欄住咗. 攝影師便跟我們說去另外一個地方拍, 那裡有差不多的景, 我們惟有說好啦, 因為實在太大雨, 好彩黑森林唔係我地最想影的地方. 然後去咗一個湖, 有d荷花架, 這個地方都幾靚, 又無咁大雨喎, 同埋這地方係additional, 唔係原本條路線內啦.

第二站係大屯自然公園, 好奇怪, 到這裡便開始有太陽, 真好, 開心番晒~ 司機見我地將會去一d草叢影相, 便買了蚊怕水俾我, 很好人同細心啦. 攝影師帶了我地到一些樹木中影相, 算是補番黑森林的景, 另外我們發覺這裡有我們常常在別人的婚照看到像路軌的景, 我地都覺得幾靚的, 所以我地request了影, 好開心喔~

第三站是去台灣影婚紗照最想影的景 -- 大屯農場. 真係好好, 去到大屯農場超好太陽啦~ 這農場真是很適合影婚紗照, 花海, 鋼琴, 千秋, 風車都是必影的, 另外最鍾意它有一個景係有條木橋伸出去個湖度, 好靚. 在這裡換了深藍色的晚裝再影了一些相, 她們都說件深藍色的晚裝很靚. 跟住便食lunch.

第四站是風力發電站, 有d大風車, 在這裡影了一些著了婚紗鞋的相~ 走之前在這裡換了粉紅色的晚裝. 轉妝的時候, 助手用我地的相機幫我地影了幾張相, 有一張化妝姐姐仲攝埋入鏡一齊影, 好搞笑. (台灣同香港真的有點分別, 聽說在香港影婚紗照係唔俾自己影相, 要偷拍的.)

第五站是石門幸福廣場, bf在這裡影了一些我覺得幾型的相, 化妝姐姐都話: 好師喔~ (我在旁偷笑)

最後一站是白沙灣海灘, 來到沙灘剛好有夕陽. bf換了casual白色恤衫同牛仔褲. 在最後一站攝影師要求了bf抱起我, 好好玩喔~ 最後我地仲request咗落水影, 玩吓水添~

玩到濕晒同好多泥呢... 好彩司機有流動帳篷俾我換衫. 司機見我地影完相仲買了一些粽俾我地食, 真的好好人呀.

雖然未睇d相, 唔知影成點 (第一次影, 當rehersal啦), 但總括來說今次覺得幾好彩同拍得幾舒服, 要有太陽的地方有太陽, 有夕陽的地方有夕陽, 化妝姐姐好落力同我化妝同補妝, 攝影師ok, 司機好細心. 係助手麻麻地, 想她可以再教我地擺多d pose. 好想快d睇吓d想喔~

影完相, 先回酒店梳洗吓, 便去台北101看看, 食埋晚飯.

♥甜蜜台灣之旅 Day 1♥

期待已久的台灣之旅今日終於開始了! 這次trip主要目的是拍婚紗照, 第一次拍啦, 好緊張喔. 今日搭10點鐘的飛機, 1個多小時的飛機, 好快便到了. 我們先到酒店 -- 天成大飯店放低行李, 唔知係咪期望過高, 這酒店俾我想像中無咁靚, 加上她們安排了一間無窗的房俾我地, 最差係無護髮素, 不過這酒店確實乾淨同方便(正在台北車站對面). 在酒店打了一個電話同法國婚紗台灣那邊的同事溝通, 主要講吓我們明天拍照時我想要的頭飾啦.

鼎泰豐

跟住便出發去食o野~ 這個台灣trip的第一餐便是鼎泰豐, 我們跟著旅遊書咁講搭捷運去, 但去到發覺鼎泰豐原來係完全唔近捷運站, 結果我地行咗20分鐘先去到... 去到都兩三點了, 所以都唔洗點等位. 我們點了小籠飽, 雞湯, 鮮肉大包, 油豆腐細粉同赤豆鬆糕, 除了鮮肉大包外, 其他都好好味, 食到飽飽每人都係around HK$100, 都幾抵食. 食完問一問職員點搭車去下一站 -- 淡水, 她很好人地教我們先搭巴士去台北車站, 然後在台北車站搭捷運去淡水, 唔洗又行20分鐘去捷運站... 她們仲幫我地換d散紙搭巴士添, 服務態度一流.

淡水

去到淡水, 我們先到淡水老街行吓, 主要是賣一些手信同有好多小食檔. 之後我地行咗去紅樓, 這紅樓有超過一百年歷史, 而家係一d餐廳, 可從紅樓望淡水一帶的景色.

跟住搭紅26號巴士去漁人碼頭行情人橋同睇日落, 聽說這裡的日落好靚喔~ 真的有很多人來看.

我覺得情人橋在夜晚開了燈都幾靚o架. 我們在情人橋附近買了淡水一大人氣小食 -- 魚丸湯, 是一些裡面有料的魚蛋, 味道一般啦.

我們坐船回去淡水老街那邊, 買了杯果汁, 超大杯的同埋見她真係用了很多生果榨出黎, 都係~HK$10, 好抵同好好味~ 跟住在淡水老街搵到一間可以diy做擺設的舖頭, 為配合今個trip的主題, 我地整了一對結婚公仔的相架, 整到間教堂好似在海中間咁, 好靚架.

劍潭

之後去了美麗華百樂園玩幸福摩天輪~~ 坐摩天輪真的好浪漫喔♥

最後去埋士林夜市, 食了柯仔煎, 大雞排, 大腸包小腸. 大雞排真係超大塊.

明天就拍婚紗照啦, 超緊張喔~

♥試妝♥

將在9月13日搵好友幫手在香港影婚紗相, 為此找了一位化妝師幫我化妝, 今日去她度試妝, 雖然係試妝, 但她都好有心機幫我化, set頭同揀頭飾. 晚上約了bf食飯, bf一見到我化了妝的樣子, 都笑晒, 好似唔係好認得我咁, 話好靚~ 呵呵呵~~

♥Wedding飾物♥

將會在9月自己在台灣同搵朋友在香港影婚紗相. 為此買了些飾物, 打算作以下的配襯 (d衫用番在法國婚紗借去台灣影相果d), 有時間俾d意見喔~

台灣的路線:

(A) 大溪花海農場

婚紗 + (1) 皇冠 & 頭紗 + (4) 珍珠頸鏈 + (7) Lace手套 &

婚紗 + (2) 白色頭花 + (5) 閃石&珍珠頸鏈 + (8) 白色手花

(B) 十分路軌

紛紅色晚裝 + (3) 銀白色閃石花圈 + (6) 閃石花花頸鏈 + (9) 銀色珠仔手鏈

(C) 十分瀑布

紛紅色晚裝 + 花球的頭花 + (6) 閃石花花頸鏈 + (9) 銀色珠仔手鏈

香港的路線 (頭飾由化妝師提供):

(A) 廸欣湖

紛紅色晚裝 + 可能問化妝師借條粉紅色頸鏈 + (9) 銀色珠仔手鏈

(B) 中環 (日景)

婚紗 + (4) 珍珠頸鏈 + (7) Lace手套

(C) 中環 (夜景)

深藍色晚裝 + (5) 閃石&珍珠頸鏈 + (10) 銀灰色手鏈

頭飾

(1) 皇冠 & 頭紗

(2) 白色頭花

(3) 銀白色閃石花圈

頸鏈

(4) 珍珠頸鏈

(5) 閃石&珍珠頸鏈

(6) 閃石花花頸鏈

手鏈/ 手套

(7) Lace手套 (8) 白色手花

(9) 銀色珠仔手鏈

(10) 銀灰色手鏈

♥DIY wedding飾物♥

昨日行街見到下面條頸鏈, 諗起個白花好似Angelababy幫法國婚紗拍婚紗照時戴的手鏈上的花. 便想可以將條頸鏈大變身變成手鏈, 條頸鏈好平, 花少少便可以將它變成手鏈, 襯婚紗~

似唔似?

♥花球♥

今日攞咗花球喇! 好靚~ 完全做到我哋的要求, 清清地, 但又唔會太簡單. d絲帶她們整到長長地, 都幾好. 另外買埋頭花同男仔襟花, 個男仔襟花都整得幾好架. 整體來說, 好滿意這間shop的手工.

♥法國婚紗試衫♥

今日11點去咗法國婚紗揀去台灣影婚紗相嘅衫~ 試第一件婚紗的時候, bf好緊張企晒出黎睇, 試衫姐姐都話: 唔洗咁緊張, 可以坐係度睇架. 呵呵呵~ total都試咗20-30件衫, 揀咗1件婚紗同2件晚裝, 其實有好多婚紗都好鍾意, 因為要出外景同主要影一些大自然景的關係, 所以今次主要揀咗d簡單d同直身嘅款, 下次喺香港影先揀d蛋糕裙款~

以下就係我揀咗嘅衫:

這件婚紗有拖尾♥ 前面有幾層lace, d人話影相嘅衫揀多d層次好d嘛~

粉紅色的晚裝, 粉紅色是我的心水啦 --

估唔到這件深藍色的晚裝著出黎的效果幾好, 好似好高貴咁, 所以大膽地揀了這件深色的 --

bf就揀咗一黑一白禮服, 本身package包的公司款禮服真係嘛嘛哋, 結果都係加$500要咗一件新款的黑色禮服, 加錢果d真係好睇d (唔知係咪新款, 係網上面都搵唔到張相).

另外仲揀咗台灣影相路線#3 -- 大屯自然公園, 大屯農場, 金山風力發電站, 石門幸福廣場同白沙灣海灘, 下面係sample相:

http://www.francebridal.com/cht/location/location_tw.html#

♥My Wedding Shoes♥

今日好開心, 終於買了新娘鞋, 在金都2/f一上電梯轉左嗰間鞋舖買的. 對鞋是我自己設計的 (當然bf有俾意見同埋參考了店舖同網友d款啦), 我將我的idea話俾老闆娘聽, 她就幫我地整出黎. 老闆娘仲考慮了我們的高度, 提議對鞋的高度, 她話我可以著2吋半, 本來我都有d擔心會高得滯, 好唔好要2吋, 但聽到老闆娘話高d會著得我靚d, 就諗都唔洗諗要2吋半喇. bf見到製成品都話靚~ 成對鞋勁閃, hohoho~

另外, 今日仲訂了花球, 在金都3/f的"嫁真棧"訂的, 我選了粉紅色玫瑰做主花, 加咗d香檳金色同白色牡丹, 再有d粉綠色繡球花同綠葉襯托, 成個花球應該會幾柔和 (聽網友話影婚紗相選用淺色 / 粉色的花球會比較好嘛), 我地要埋頭花同男仔的襟花. 真係好心急睇吓個製成品呀, 不過要八月尾先有得攞...

仲有, bf今日都買了禮服用的白色恤衫.

♥帝京酒店 & 迪士尼酒店♥

今日去了看兩個婚宴場地 -- 帝京酒店同迪士尼酒店.

帝京酒店3/F的宴會廳比較適合我們的圍數, 是酒店一般的格局, 不過這層可能會擺多過兩個function, 同埋新娘房無洗手間. 倒頗喜歡它的空中花園, 可作為證婚場地.

迪士尼酒店真係好靚, 他們會負責埋場地佈置, 有幾個Disney theme可以選. 啱啱今日有人擺酒, 可以睇到Sleeping Beauty (粉紅色為主)同Cinderella theme (紫色為主)的佈置, 見到有好多staff幫手整場地, 感覺上好pro咁. 睇完場之後, 位sales帶了我們上coffee shop飲嘢, 還帶了一大袋資料俾我地睇. 最後我地睇埋證婚場地, 是室外草地的那種, 真係幾靚嘅. 不過這裡對我們最大的問題是菜譜內沒有翅同遠了點.

♥決定香港拍攝婚紗照日期♥

上星期預約了14/11 (sat)影香港的婚紗照, 23/10 (Fri) 3pm試衫. 今日去了FB尖沙咀的分店俾錢指定了攝影師Dicky幫我們拍, ESD life d姊妹都話Dicky影得好好. 另外問了sales姐姐, 她check電腦見到幫我地跟開的Joey已幫我地mark了化妝師Bonny (都係見ESD life d姊妹話她好), 希望真的安排到啦.

♥決定台灣拍攝婚照日期♥

今日confirm了機票同FB在台灣拍攝婚照的日期 - 10/9/09! 8/8 (Sat) 11am試衫. 我地諗住9/9 (Wed)出發去台灣, 12/9 (Sat)返香港. 還打算帶腳架在11/9自己影婚紗照, 應該會幾好玩喔, 而且這可以說是參加FB的台灣plan同自己帶衫過去的好處. 很期待喔~~~

♥鹽田仔♥

今日看到以下的報導, 知道鹽田仔的教堂會重開 (好似在五月), 很開心, 希望FB可以幫我地加番這個景點, 拍靚靚的婚紗照啦~

村民自發活化鹽田仔
(星島)3月9日 星期一 06:30
(綜合報道)

(星島日報 報道)西貢 鹽田仔近年一度獲政府高度重視，嘗試協助保育，但當局遲遲未有出手，村民最近「主動出擊」，為保育計畫踏出第一步，包括完成復修島上村公所，並變身為鄉誼茶座，更計畫於四月一日起開設定期街渡服務，吸引遊人到島上遊玩。村民還打算收回已租出的村屋，集資復修轉作度假屋。但仍期望當局協助提供道路、水電及渠務等基建設施，及借助旅發局宣傳推廣。
　　本身是天主教徒的特首曾蔭權 及多位前高官近年先後造訪鹽田仔，關注這個糅合天主教色彩和客家村落風貌的小島的保育發展。可惜，自政策局改組後，前高官的「鹽田仔計畫」無以為繼；昔日居於島上的原居民只好親力親為，嘗試讓這條擁有二百五十多年歷史的客家漁村「重生」，自發進行保育工作。
　　鹽田仔荒廢已久，不少地方要翻新。率先完成活化的，是位於村入口的村公所；原本與其他舊屋一樣破損不堪的村公所，半年前得善心教友捐助三十多萬復修，現已化身為鄉誼茶座。茶座白色的外牆，加上各種植物擺設，恍如希臘 海旁的白色小屋。裏面擺放一些文物如火水燈、傳統器皿等，售賣村內景點明信片及帶天主教氣息精品。
　　茶座暫時只提供一些簡單飲料及麵食，日後將加設客家茶果、花茶等。茶座由村長二十五歲侄兒陳家傑打理。他表示，自己未試過在村內居住，今次回村經營茶座，只為達成父親心願。他父親做了十多年村長助理，一直希望幫條村，但因身體抱恙，唯有讓家傑接手幫忙。
　　為經營茶座，家傑將在下月辭去維修工作，每日從葵涌 居所騎電單車入西貢，經營茶座。打理茶座的還有一位「外姓人」張先生，他是鄰近大浪村村民，但與鹽田仔村民相識十多年，能以中、英及客家話等招呼到訪遊客。
　　過去要前往鹽田仔，一般只能包船，獨自前往並不划算，村民自發由下月一日開始，每天提供定時街渡服務，初步計畫每日設早午兩班「專船」，周六及周日增至三班，由西貢碼頭開出，來回收費三十五元。村民亦準備開放早已復修的教堂和學校課室，供遊人參觀，打算收取三至五元入場費，用作彌補維修支出。
　　近年以天主教香港教區身分協助保育鹽田仔的建築師學會會長鄺心怡指出，過去由於沒有固定航班前往鹽田仔，當局也認為在島上做保育工作會「得不償失」。
　　她說：「我們現在先做，當做到咁上下，讓人看見一點成果，政府也會知道，村民是值得協助。」她期望當局能向旅發局爭取，將鹽田仔放進旅遊宣傳單張上。
　　自村民早年陸續遷出及移居海外後，鹽田仔多年來人去島空，數年前曾有發展商向村民租下四十多間具有客家風貌的村屋，有意發展成文物度假村。不過，鹽田仔村長陳忠賢表示，發展一直未有開展，近年亦出現資金問題，開始欠租，村民已決定收回村屋，計畫籌集資金自行復修，希望長遠可改作民宿出租或讓人參觀。

☆第一次做Body Wrap & 好友聚會@和亭☆

今日去做在Wedding Expo join的body plan, 我選咗做cranberry body wrap, 美容小姐先幫我做紅莓磨沙, 有好香的士多啤梨味架, 跟住敷紅莓體膜同焗熱毯, 暖暖地咁, 所以瞓著咗. 做完之後唔知係咪心理作用, 好似真係滑咗d同白咗d咁, 好開心.

下午去了黃大仙的和亭同一位好朋友食lunch, 跟她說我將結婚的事, 這是近排一直想跟她說的事, 今日終於可以講了, 真好.

☆第一次與bf去金都☆

今日同bf行旺角, 行行吓bf話不如去金都睇吓, 去到門口已經睇中咗一對銀色的婚紗鞋, 真係好靚, 遲d應該會再黎買咗佢.

☆第一次去Wedding Expo☆

今日與bf去會展的Wedding Expo, 我們都是第一次去Wedding Expo. 去之前我同bf講今次我們主要收集資料, 要睇住我唔好俾人游說到買野...

我們諗住會影一輯香港, 一輯台灣的婚紗相, 所以我們去看看香港同台灣的婚紗攝影公司的攤位, 初初行了幾間婚紗攝影公司都無咩野, 都是看看他們的相同d plan. 點知行到去"法國婚紗" (FB) (即係阿Sa果間, 真係影得阿Sa好靚架, 之前看過朋友在FB在香港影的相, 都覺得好靚, 所以都打算香港果輯會係FB度影, 不過本來無諗過咁快join), 咁位sales派了張宣傳單張俾我地, 話join香港的婚紗攝影會送台灣婚紗攝影, 點知bf即刻話"咦, 咁抵?!", sales再叫我地睇吓相先, 就係咁講吓講吓我們就join咗啦. 香港那輯我們選了九龍塘雙子影樓+游艇+沙灘+北潭涌的plan, 看了FB的游艇相真係超靚, 加上唔係間間有得影, 真係幾吸引. 台灣的plan是FB的新plan, 那一輯要在香港選衫然後自己帶過去, 雖然她講到會幫我地pack得好好, 但其實都有點擔心, 不過睇佢地台灣那輯相好似都影得ok, 又有得影花海.

之後經過Oasis Beauty, 見佢有ｄ facial同body嘅plan, 之前都想試吓這間的facial, sales又係講到抵過係門市join咁, 所以就join咗20次facial同12次body (想美白手臂) 的plan, bf送俾我架~ 同sales姐姐傾談之中, 她稱bf做未來老公, hehe, 最後她仲恭喜我們添, 都幾開心.

用FB同Oasis Beauty的單可以參加抽獎, 我們抽了一對杯同一個酒架, 另外仲有d杯墊送.

離開搭地鐵的時候, bf話join咗影相好似邁進了一大步, 仲話好開心, 諗起FB幫我地影d相應該會幾靚~~~

☆姊妹聚會@和民☆

今晚與幾位好姊妹正式說出計劃與bf出年結婚的事, 同說說bf求婚的過程, 她們都恭喜我同替我開心, 亦願意做我婚禮的姊妹同司儀 (今晚天使因做野無出黎, 但她都說可以做我的伴娘呀~~) 真的覺得很感動喔~ 多謝你們~~~

☆第一本結婚雜誌☆

以前常常在雜誌舖見到d結婚雜誌覺得好靚, 現在可以買番本來看看了~

☆Hong Kong Disneyland後記☆

今日個腦成日播住Disney巡遊首歌, 想停都停唔到, 聽這首歌真的令人覺得好開心, 連bf都話"Disney真係好奇妙呀!", 有時又會諗番早兩日的事, 好開心 ^o^

bf仲整埋歌詞 (連人物講果d都寫埋...), 有時我會叫佢唱俾我聽吓, hehe:

Finale--香港迪士尼巡遊曲

(高飛: Oh yeah)
(唐老鴨: ~)
(米奇: 嘩)

眾: Zip-a-dee-doo-dah, zip-a-dee-ay
米妮: My, oh my
米奇: What a wonderful day
(布魯圖: wow wow)
高飛: Where are you sunshine headin' my way
(米妮: Ar ha)
眾: Zip-a-dee-doo-dah, zip-a-dee-ay

眾: Because the party is starting
So get into gear
Come join the magic now
Cause you are welcome here (唐老鴨: ~)

The princess and [ ], are far hear from you
And you should magic now
Cause you are welcome here

Who's the leader of the club
That's made for you and me
M-I-C-K-E-Y M-O-U-S-E!
Mickey mouse (唐老鴨: ~)
Mickey mouse (唐老鴨: ~)
Forever let us hold our banner high! (米奇: 無得彈)

眾: See this wonderland
(高飛: 真係好呀)
眾: We wish you start hurray

眾: 一心都知你在派對中
在這天 和你好相見
神奇魅力千變 留著你於身邊

王子 魚仙 隨處都可見
神奇魅力千變 期待你這張臉

眾: Seen you all believe that dreams come true
(米妮: 喺呢度真係好開心呀)
眾: We know someone whose waiting just for you
(米奇: 喂, 見到你地真係開心喇)

眾: Welcome to my family (高飛: 一齊拍手啦)
歡迎進入這個家 (米妮: 個個都要拍wow)
Welcome to our family (唐老鴨: ~)
歡迎進入這個家

眾: We hear the charming cause the party is starting
So get into gear
Come join the magic now
Cause you are welcome here

The princess and [ ], are far hear from you
We must the magic now
Cause you are welcome here

Heying hiding holding
[ ] view
Inside the magic world
And you are welcome here (米妮: welcome)

We gonna to see you
It’s perfectly will
You are the magic now (米奇: 神奇魅力的你)
You are the magic now (米妮: 好奇妙呀)
And you are welcome here (米奇: 無得彈)

[ ]果d聽唔到, 如果各位知道, 請話我知.

☆5周年@Hong Kong Disneyland Day 2☆

今日7點幾起身, 8:30落去Enchanted Garden食早餐buffet, 真是超多野食, 好似食lunch咁, 這裡最特別係食食吓會有些Disney人物出黎架! 有米奇, Daisy, 高飛同Pluto, 他們會到每張枱打招呼的. 食這個buffet會好忙, 又要攞野食, 又要食野, 又要影相, 不過好開心.

食完早餐, 番房瞓了一會, 好hae. 跟住去室內泳池游水, 其實我都唔係太識游, 又無帶goggles, 成個泳池得我游... (bf睇住我游) 好似好奇怪咁, 所以游了一陣就走, 大約3分鐘到... 個救生員都問 "e? 咁快走嘅?" 個室外泳池都好靚架, 不過而家裝緊修, 無得用住, 但係Disney話我們可以用Hollywood Hotel那邊的泳池.

回房梳洗一番後, 去check-out, 在酒店門口又見到Disney公主喇!

跟住去咗公園行一陣, 那裡有個米奇迷宮架! 即係迷宮中間有個米奇圖案, 好得意呀, 我們都玩了一會兒.



間酒店真係超靚~


行完Disneyland Hotel見有時間, 仲坐shuttle bus去埋Hollywood Hotel睇吓. 我覺得Hollywood Hotel無咁靚, 現代d.

跟住便再坐shuttle bus去Disneyland lu. 隔了一日, Disney又佈置多了好多新年飾物了, 城堡前有個大心形桃花~ 在這裡拍了不少照片.

今日我們玩了泰山樹屋, 森林河流之旅同幸會史迪仔, 跟住又去米奇動畫影室學畫畫, 今次學畫Daisy, 排緊隊嘅時候, bf在附近看看, 特然笑笑口回來, 用"無你咁好氣"的眼神叫我帶埋相機去一個指示板看看, 原來有飛輪海在這裡畫的Mickey! 好開心呀, 然後猛對著指示板影相, 跟住又笑笑口回去 ^o^. 原來Daisy都幾難畫, 因為她唔係好似Minnie咁畫圓形就可以, 不過都畫到嘅.

畫完Daisy, 差不多有parade, 所以再看多次. 跟住再在米奇動畫影室學畫Winnie the Pooh, 估唔到Pooh Pooh係由一個正方形開始畫的, 仲要畫埋Pooh Pooh鼻上的蝴蝶架, 我覺得我畫得不錯架. 畫完畫在教室內影吓相, 導師仲叫我地上台影添. 跟住去夢想花園搵Pooh Pooh影相, 他真的好可愛喔~ 差不多6:30的時候, 我們又到城堡前等看煙花, 這煙花真的百看不厭呢, 真的看到嘩嘩聲, 連bf都話靚~

然後回酒店攞行李, 到了酒店又有點不捨得走, 在酒店行了一圈, 之前在網上知道酒店定時會有人奏音樂, 終於俾我地見到, 原來就在我們的房間對出的位置. 我們仲在我們昨晚的房間門口影了相添. 然後就很捨不得地回去了. 今個trip真的好開心~ 好甜蜜~