☆九州之旅 Day 5☆

鹿児島>福岡 (Canal City>天神)

今日是大除夕, 我們從鹿児島出發, 搭3個鐘的火車從南到北返福岡. 到達福岡後先到酒店check-in同放下行李, 跟住到酒店附近的Canal City食飯同行街. 我們去咗Canal City內的拉麵Stadium食拉麵, 那裡有十多間拉麵店, 但間間都係超多人, 我們選了一間比較少人的, 個拉麵好好味, d湯好濃, 我成碗食晒, 唔怪得咁多人啦. 在Canal City行到四﹑五點, 突然下起雪來!! 又唔會好大雪喎, 好開心呀!

跟住便去天神行百貨公司, 去到天神大約五點幾, 在天神的三越行行吓, 友人聽到廣播好似話今日會提早六點關門! 吓?! 我們才剛剛到喎, 後來見到真係關門. 咁咪諗住去第二間百貨店行啦, 點知都係咁, 在地鐡站見到d人都急急腳回家, 原來日本人在大除夕都會趕回家呢. 那沒辦法啦, 惟有周圍睇吓有咩食, 其實好多食店都關了門, 好彩行行吓見到間和民! 真好, 晚餐仲算有著落, 坐得舒服又溫暖.

今日結果很早完成行程, 八點幾已回到酒店, 睇咗陣<紅白>. 連日來大家都覺得很累, 所以今晚好早便睡覺囉.

☆九州之旅 Day 4☆

熊本>鹿児島 (城山展望台>天文館>城山展望台>山形屋>Amu Plaza)

好快便到day 4, 今日又係一早起身, 連日來的早起身加長途車已令我們很累了. 我們搭了一個多鐘的火車到九州的南部鹿児島, 當中搭了新幹線つばめ, 是架挺漂亮及舒適的列車. 鹿児島那邊很好陽光喔.

到酒店放下行李後便去城山展望台準備遠眺櫻島火山, 我們按地圖到了城山公園, 找到一條登山徑上展望台, 上了一段路之後便看到櫻島火山, 原本諗住一路上山到展望台, 但行行吓發覺展望台原來在很遠的, 於是我們折返, 到天文館行街. 離開城山公園之後, 在附近看到照國神社, 那裡有個超大的鳥居, 影完相後便正式向天文館出發.

特然下起雨來, 到了天文館才好些. 天文館是一條商店街, 好多嘢賣, 又有間手信舖賣菓子. 鹿児島出名食黑豚肉, 中午便去了食炸黑豚肉定食, 好好味, 而且麵鼓湯同白飯係任添.

食完飯見咁多嘢拎, 咪返酒店放低d嘢先. 在酒店休息的時候俾我在途中攞的雜誌中見到有架巴士上城山展望台, 但發現的時候已是4點幾, 那我們便馬上出發, 好趕才上到巴士, 而且已沒有巴士下山了, 我們打算上完山先算. 上咗山後去咗城山酒店外看櫻島火山, 在山上看果然是比較清楚. 跟住便去展望台看, 但在展望台反而看得不清楚, 有d樹遮咗個view, 後來還下起大雨來, 天亦開始黑, 所以決定搭的士落山, 程的士都不算太貴.

下山後去山形屋百貨公司, 看中了個袋, 但在reception問退稅的事問咗好耐都唔明, 結果嘗試問sales, 原來是在俾錢的時候退埋, 唔洗另外搞, hohoho, 買咗個袋lu~ 跟住更去火車站旁的Amu Plaza行街, 行到9點到.

之後便去番天文館附近的黑福多食黑豚肉, 今次是以火鍋的形式, 湯底係超濃, d黑豚肉吸晒d湯真係超好味, 我覺得這是幾日來最好味的一餐, 很滿足!

食完飯諗住搭市電回酒店, 估唔到咁多人, 市電站的人龍排到出街, 跟住又miss咗班少人的市電, 結果跟人上咗班勁多人的市電, 差點落唔到車...

☆九州之旅 Day 3☆

別府九地獄>熊本 (水前寺>熊本城)

今日的早餐好豐富, 酒店的人已為我們煮定一人一鍋的飯同一人一set定食. 食飽後到酒店旁的沙灘行咗一陣.

(酒店 -- 望海)

跟住去別府九地獄, 是九個不同特質的溫泉, 我們買了套票, 不過很奇怪, 套票只能入到八個, 我們先到白池, 海, 鬼石坊主, 山, Kamado同鬼山地獄, 行吓行吓發覺唔係好夠時間, miss咗班巴士去金龍同血池地獄, 諗住都可以行過去啦, 後來發覺是超遠的, 下午又要趕火車, 結果搭咗的士入去, 好彩唔係太貴, 5分鐘便到金龍同血池地獄, 用了大概15分鐘行完兩個池, 最主要係影張相同蓋紀念印, 跟住便要搭巴士到別府駅再搭火車到熊本.

今次真是很遠, 搭咗3個鐘的火車到熊本. 我們先到水前寺參觀, 有點像中國的庭園.

跟住去找味千拉麵本店, 我們只有雜誌的介紹及地址, 問了一位路人, 好彩她知道味千喺邊, 她指示了我們方向, 跟住行咗好耐, 最後都找到, 真好. 我們點了熊本出名的太平燕, 餃子同魷魚鬚, 好好味.

食飽後便搭車去熊本城, 其實天都黑了, 而且熊本城在29-31/12是休館的, 不過安排唔到更好的時間, 咪都嚟影張相啦. 之後去咗交通中心行街同西銀座通食晚飯.

☆九州之旅 Day 2☆

福岡>阿蘇 (阿蘇火山>草千里>阿蘇火山博物館)>別府酒店浸溫泉

今日一早便起床, 因要搭兩個多小時的火車去阿蘇, 我們首先到福岡駅的綠色窗口換領JR九州 5-day pass同book定未來幾日的指定席, 友人一早整咗張booking list, 那位工作人員見到都有點面有難色似的, 都有成十幾個booking o架, 不過他都很好幫我們辦妥, 全部都順利book到, 跟住便可以上火車lu. 不過都仲有一樣嘢令我們擔心的 -- 不知道阿蘇駅 (相信是一個細站) 有沒有大locker給我們放行李. 如果沒有的話, 那我們便要拖住件行李上山囉!

坐了兩個多鐘的火車後, 見到d locker就放心晒, 放好行李後, 再搭40分鐘巴士上山, 跟住再轉登山纜車上山頂. 天色不是太好, 灰灰暗暗的, 大風又落雨... 纜車外的風景好快便變得白矇矇了. 終於上到山頂啦, 看到阿蘇火山口有很多煙噴出來, 不過真是很凍, 又要打傘, 影完相便馬上回到纜車站.

跟住去咗山腰的草千里, 夏天的時候這裡是一大遍草原, 有馬騎的, 現在便沒什麼好看了. 我們先吃午餐, 再到阿蘇火山博物館遊覽, 博物館旁仲有個音樂盒館, 不過好細的.

因為驚miss咗巴士, 所以一早便到外面等巴士, 好漫長的十分鐘... 到了阿蘇駅後又要等火車, 都要等成大半個鐘頭, 沒辦法, 阿蘇d巴士同火車實在太疏, 雖然計劃中都係預要等咁耐, 不過估唔到個車站不是密封的, 有暖爐都好凍喔, 而且今日太多travel, 好累, 好彩有膊頭瞓吓覺, hehe.

跟住坐兩個小時的火車去別府, 今晚入住日式的溫泉酒店, 間酒店雖然離別府駅遠些, 要行十多分鐘, 不過是值得的, 因為間酒店喺海旁邊呀! check-in後, 有位著和服的服務員帶我們到房間, 又問我們幾點食晚餐同早餐. 間房望到沙灘的, 在窗邊可以聽到海浪聲喔! 大約7點鐘, 那位服務員便拿了晚餐來到我們的房間, 今晚我們食秋の和会席料理, 她把很多很精緻的小碟放到我們面前, 放到張枱滿晒, 都唔知食邊樣先好, 好嘆啊!

食完飯去咗沙灘看看, 跟住去咗便利店買雪糕食. 回酒店後便去浸溫泉, 這酒店有室內及露天溫泉, 我先去試試露天溫泉, 很緊張, 第一次這樣浸露天呢, 出去的時候好凍, 不過浸咗落水之後就好舒服, 個溫泉唔係好大, 不過無人, 都幾好, 玩咗一陣便去試室內的溫泉, 換衫的時候好多人, 不過都是走的, 個池又係無人, 室內溫泉太熱, 浸了十分鐘到便離開了.

回房後便睡覺, 酒店替我們鋪的床鋪都幾舒服o架, 不過我好像有點不太習慣瞓地下, 有點瞓唔著.

☆九州之旅 Day 1☆

香港>福岡 (櫛田神社>Marinoa City>中洲街邊檔)

終於出發啦!! 一早搭9點鐘機, 大約1點到達福岡. 到酒店放下行李後, 馬上去櫛田神社了, 悠悠閒閒的行吓同影相, 那裡很寧靜喔.

之後去咗個outlet - Marinoa City, 個outlet雖然大, 不過d嘢都唔係好平, 所以唔係買咗好多嘢. 倒記得有一間小店, 店內燈光柔和, 賣著精緻的生活雜貨, 當中有心形的餐具, 連义子上端都是一顆心呢, 是間挺浪漫的小店呢.

在outlet內吃了客小丸子, 在那麼凍的天氣食小丸子特別好味.

晚餐在outlet內食擔擔麵, 在日本食擔擔麵很奇怪吧?! 是旅遊書介紹的, 都幾好味o架.

福岡有兩度街邊檔 -- 天神同中洲. 原本諗住去天神街邊檔食嘢, 點知搵咗好耐都搵唔到d街邊檔喺邊, 最後決定去中洲試吓, 都行咗好耐先找到, 我們選了檔食串燒的, 都幾好味, 不過街邊檔來說都算幾貴, 每人都食咗百幾蚊.

☆九州之旅 -- 準備中☆

昨日終於決定訂機票去九州 (個friend攞到假lu), 港龍直飛 27/12出發 2/1返, 將會在九州過除夕囉! 另外, 今日book咗晚別府的溫泉酒店, 住和室, 晚上食日式會席料理, 酒店附有室內同露天溫泉, 應該會幾好吧. 間酒店喺海旁邊, 好似好靚咁, 好期待喔!

暫定行程:

27/12/07 Thu (Day 1) 香港 > 福岡 〒: 東横イン 博多口駅前
28/12/07 Fri (Day 2) 別府&阿蘇 〒: 悠彩の宿　望海 (別府)
29/12/07 Sat (Day 3) 熊本 〒: 東横イン 熊本駅前
30/12/07 Sun (Day 4) 鹿児島 〒: 東横イン 鹿児島天文館 I
31/12/07 Mon (Day 5) 福岡 〒: Sky Court Hakata
1/1/08 Tue (Day 6) 長崎 〒: Sky Court Hakata
2/1/08 Wed (Day 7) 福岡 > 香港

九州d景點好分散, 要晚晚轉酒店之外, 又要買JR pass la.

☆My Birthday Cake ~Yummy~☆

今日同朋友去學整士多啤梨忌廉蛋糕, 好好玩喔!

首先要焗個海綿蛋糕做心 (好順利, Yeah!!), 然後將個海綿蛋糕切開一半, 夾一層士多啤梨忌廉喺中間, 我們竟不小心地將個蛋糕切爛了... 好彩跟住會鋪忌廉喺面, 咁就睇佢唔倒喇! 原來鋪忌廉都幾難, 好難鋪到平滑, 好彩有miss幫手, 同埋miss話裝飾咗個餅之後都見唔到你鋪成點, good~ 最後整裝飾, 最鍾意呢part, 中間粒花形士多啤梨是我切的呢~~

☆海洋公園☆

今日繼續我的生日活動, 去咗海洋公園玩. 有張免費的annual pass, 所以都不用趕, 11點倒入到去, 公園內都佈置了halloween的飾物.

我們先去熊貓館看看熊貓, 牠們蠻可愛的, 常常在食竹葉同hae ^o^ 跟住逛逛兒童王國, 看到熊貓Merry-go-around... =_=" 之後便乘纜車去看水母館﹑海洋館﹑鯊魚館﹑太平洋海岸看海獅同看海洋劇場.

☆生日飯☆

今日中午同了位中同到御家食lunch, 雖然是星期六, 但都有set lunch, 好抵食, 味道都不錯, 坐得舒適又不用等位. 大家聊聊天, hae 吓, 好舒服... 謝謝你的生日飯喔!

**************************************************

下午同了另外幾位中同同男友們上山頂行山 (算是行山嗎?) 不過天色嘛嘛地, 白朦朦的, 行了一個鐘到. 跟住去Bubba Gump食晚飯, 點了幾款炸蝦同ribs, 味道ok la, 不過服務態度嘛嘛, 食完飯有個驚喜的甜點呢!!!

和你們幾位朋友談天說地真是很舒服, 沒有工作上的顧慮.

有你們真好呢!!!

☆生日喔!!!☆

今晚朋友帶去我了瑞士餐廳慶祝生日, 我們點了風乾雜肉, 菠菜芝士雞肉火鍋同牛仔肉配瑞士薯餅, 另外點了蘋果汁. 個芝士火鍋都ok, 用麵包點d菠菜芝士汁幾好味, d雞肉都ok, 不過芝士味可以再濃d. 個牛仔肉同瑞士薯餅都不錯 (不過食完個芝士火鍋都已好飽了). 最後有個神秘Tiramisu呢!

☆{夢聚飛輪海} 唱聚會☆

今日很開心去了飛輪海的唱聚會, 是在上個月買水的時候無意中抽中了門票 (很幸運呢), 第一次去看自己喜歡的明星, 以前超鍾意的明星都沒有買票去看啦.

同朋友八點左右到了九展, 原來蠻多人, 可能有一千多吧, 我們的位置和我們想像中一樣的後, 差不多是最後幾行, 不過抽中了已很好了吧 (嘻嘻, 可以好好玩一晚). 看看超級fans們都替他們做了好漂亮的名牌, 又有閃燈, 又有公仔喎. 坐在我們隔離的是一對男女, 男的一開始已睡著了...

他們一出來的時候唱了<超喜歡你>, 是他們的歌中我最喜歡的啦. 不過他們出來之後, d人就企晒o係張櫈度, 因為d櫈是平排的, 我們完全看不到, 後來我們惟有都企埋o係張櫈度, 但係都唔係好睇到啦, 之後我們都跟其他人走到前面看, 真是看得清楚好多, 大東真是好靚仔喔. 跟住他們唱了我都很喜歡聽的<愛到>, 首歌好sweet o架 (下面post咗歌詞).

今晚他們都唱了好多首歌, 又跳舞, 也和fans玩遊戲, 另外仲同了位觀眾合唱啦, 不過那位觀眾都沒有唱, 唱埋氣氛應該會更加好耶. 另外, 嘉賓Tank同林宥嘉都唱了幾首歌.

最後encore的時候他們唱了他們的新歌加跳舞作完結啦. 個唱聚會唱到11點到, 玩的時間過得真快.

愛到

＊愛到　愛到　
愛到腦海裡有一萬個妳　快爆掉　
妳一個眼神我什麼都好　
或許就是狠狠愛到 　

這就是電到　愛到　愛到　
每夜失眠臉上卻還傻傻　在微笑　
誰叫妳　可愛到　無法救藥　
讓我這樣狠狠愛到＊

黑色的瞳孔帶著閃亮
空氣中飄著妳無敵迷人髮香
每一個小動作都吸引我
就算洗腦　也無法　將妳忘掉

我學會什麼叫二話不說
妳開口我就沒辦法Say No
這感覺找不到適合形容
費洛蒙　向我進攻　就被妳掌控
Oh Baby

REPEAT＊

就是愛到

將妳縫上鈕釦扣住我
愛到不讓妳有任何機會掙脫
在一起的時間絕不錯過
車子後座　我只會　為妳保留

就是想要把妳佔為己有
不要妳出現在別人眼中
緊緊抱住妳哪怕會痛捨不得　
眨眼怕少看妳一秒鐘Oh Baby

REPEAT＊

就是愛到

REPEAT＊

就是愛到

☆小同聚會☆

昨晚約了小學同學食飯, 其實平時都無咩聯絡, 不過大家住喺同一棟大廈, 時不時會撞到傾兩句. 今晚都是說說大家的工作呀, 其他小學同學的近況呀, 同小學時代的事.

原來他已找到他的career, 他說因為他選擇少, 所以不用想那麼多. 我想不是吧, 看他挺喜歡他的工作. 我說我現在都唔知自己想做邊行, 而且呢個問題由我入大學開始已經諗唔到答案, 一路以來都是按照"正常"的路走, 讀嗰行做嗰行, 然後考專業試, 然後轉工, 跟住再讀書. 諗番我對上一份工算做得幾開心嘅, 識到d好朋友 (大家都會講d無聊嘢啦), 又可以周圍去, 我諗job nature嚟講我幾喜歡的, 不過真是太辛苦喇.

**************************************************

回家後看了個台灣娛樂節目<娛樂百分百 花樣 慶功同樂會>, 好搞笑.

☆開學了☆

近排工作很忙耶, 加上啱啱開學, 放工之後去上堂 (累...), 有時星期六都要上堂, 星期日就想溫吓書同做功課 (努力實踐中), 無咁多時間去玩啦, 連做yoga的時間都少咗.

公事就唔想記下咁多, 讀書方面呢, 感覺同以前讀大學好唔同, 唔知係咪因為班上多咗外國人同普通話人, 上堂時好多同學舉手問問題, 又有同學主動答問題. 放break或者放學的時候, 同學仔都chuer住個professor. 個professor真係教得幾好嘅.

真是很想放假休息吓~~

☆The Cheesecake Cafe☆

今日終於去咗Mega Box, 主要是去The Cheesecake Cafe食cake. 我買了荔枝綠茶cheese cake加blueberry smoothies. 朋友買了芒果cheese cake同Tropical desert smoothies. 我覺得荔枝綠茶cheese cake一般, 荔枝的味道淡了些, 綠茶cheese cake沒想像的那麼好味, 整件蛋糕比較甜, 不過賣相一流. 朋友的芒果cheese cake幾好味, 濃濃的芒果味.

☆Hong Kong Disneyland☆

昨晚已很緊張, 希望今天不要下雨, 結果朝早挺好天喔, 可以出發lu.

今日是慶祝我的生日呢, 雖然我十月先生日, hehe... 但想去玩米奇「鼠」假大派對, 所以慶祝o左先啦~ 一次奇妙之旅, 要開始囉, hohoho~~

約了朋友8點半在九龍塘地鐡站等, 然後一起去搭迪士尼綫. 雖然不是第一次坐迪士尼地鐡, 但仍然想周圍影相, 結果我們仲搭回頭到欣澳站, 再搭去迪士尼站, hoho~~

去到迪士尼那邊, 天氣好好, 一舊雲都無, 在噴水池影ｏ左陣相便換票入場．入到去當然先同火車站同城堡影相啦，仲同ｏ左灰姑娘同白雪公主影相呀．

跟住去ｏ左Tomorrow Land，玩馳車天地，第一次玩，其實架車都唔洗我點控制，控制速度便可．跟住玩巴斯光年，仍然只是一級戰士．．．然後玩Space Mountain，發覺現在都不像以前那麼敢玩這些刺激的機動遊戲了．Space Mountain隔離是幸會史迪仔，見唔係好多人，便走了入去，不過今場是普通話，靠朋友翻譯了．開頭以為這個幸會史迪仔是無無聊聊，點知蠻搞笑，史迪仔(電腦來的)會同觀眾傾計，我還被他抽中了問我做唔做佢女朋友！最苦惱的是要說普通話呀！好彩我呢排睇多ｏ左台劇，簡單的都會說. 其實有些都聽唔明佢問我咩 =_=" 好彩有你翻譯啦．

玩完幸會史迪仔都１２點幾，便到皇室宴會廳食lunch，見天氣咁熱，叫了個天婦羅綠茶冷麵食．食完ｏ野便去看米奇水花巡遊，是在米奇「鼠」假大派對內才有的．這個巡遊分了濕身區同乾爽區，好細心喔！我們企ｏ左o係濕身區，不過準備了遮 : ) ｄ花車同表演者都是會向你噴水的，我們打了傘，都不會太濕，最後有位表演者拿著水喉在我們的遮下面對準了我們，我心想今次實濕晒，點知係玩的，只是噴d風出o黎啦！好好玩啊！迪士尼巡遊真是很好看啊，永遠都是配合著好好聽的迪士尼音樂呢．

然後去ｏ左幻想世界，先到米奇幻想曲看3D電影，雖然這套片我已看了３次，但仍覺得好好看，特別是跟著阿拉丁坐飛墊的那一段，配合著阿拉丁的主題曲 - Whole New World（我亦很喜歡這首歌喔），真是很正！我覺得米奇幻想曲是Hong Kong Disneyland最好玩的吖！跟住去ｏ左Winnie the Pooh，每次玩或同朋友們提起這個，都會說日本的Winnie the Pooh好玩好多，真的，我也想再到東京Disneyland玩過．

幻想世界之後便到海盜世界，即是平時的探險世界，不過呢排「鼠」假被海盜霸ｏ左，周圍都掛了海盜旗，很有趣呢．我們先玩了海盜版森林河流之旅，其實只係比普通版多ｏ左個海盜．然後看海盜訓練營，有位海盜教幾位觀眾舞海盜劍，蠻搞笑的，突然，Jack船長在我們後面出現！我真是嚇了一跳，因為他突然間出現，而且他真是十個似Johnny Depp!!! 之前看雜誌已看到有位好似Johnny Depp的Jack船長，估不到真是會出現！連ｄ動作都有點似，好搞笑．這個「鼠」假還有些嘉年華遊戲，都不用錢的，排隊就可以了，我們先玩了射酒樽，排隊時見小朋友多數都起碼中一個，我竟然一個都唔中，得貼紙，點知你中晒５個，贏ｏ左２個Disney杯墊，ｄ小朋友仲在後面嘩嘩聲，看你那麼神氣！（哈哈，我當然要了你一個杯墊啦．）跟住玩鐡勾船長大圈套，今次我中了一個啦，有條海盜米奇頭巾，呵呵．然後玩擲波仔，本應一個都唔中的，但工作人員幫我擲中一個，所以有埋米奇手巾，嘻嘻，好開心喔．

本來想看５：１５的米奇金獎，不過滿了坐，便先去坐小火車．６點再到米奇金獎，都是美女與野獸那幕最吸引，好靚．

看完米奇金獎都７點了，便找地方食ｏ野，去ｏ左海盜河景餐廳食，食物ｏｋ啦．食食ｏ下，突然下好大好大雨，然後閃電，白天的時候是一舊雲都無喎！還有星夢奇緣煙花未看呀！還記得上次ｏ黎的時候坐ｏ係比較前的位置看煙花，感覺真是很感動喔，真的感覺到迪士尼樂園的奇妙．今晚結果都是取消了 : ( 最後到小鎮大街購物啦，下次再去或到日本看煙花囉！

☆惡作劇之吻☆

近排在看台劇<惡作劇之吻>, 成套劇一般, 不過後面睇到喊... :p 講阿金鍾意o左湘琴五年, 心願是同湘琴結婚, 為了能早日結婚, 高中畢業後便開始打工. 但湘琴好似他一樣, 一直只鍾意江直樹, 鍾意了五年. 湘琴就算和阿金出去玩, 心裡都只有江直樹, 阿金好痛苦喔, 真的要那麼執著嗎?

好像已開始拍<惡作劇之吻>2了, 唔知會講阿金點呢?

☆元朗及白泥☆

今日去o左元朗影舊屋同白泥影日落, 三點已到去到元朗影舊屋, 不過沒什麼好拍, 而且天氣太熱, 都無心幾影.

跟住搭小巴入白泥, 入到白泥都只是四點多, 太陽還是高高的, 很熱很熱. 這裡的環境是不錯的, 有d植物可以影o下, 影完一輪都只是五點幾, 有d唔舒服, 太熱la, 便去o左間士多買可樂飲同休息一o下.

坐到六點到, 老板娘問我o地係咪影日落, 告訴我們應該差不多時候了, 我們便行番去海邊set腳架, 這裡的日落真是不錯, 仲算無浪費曬o左咁耐. 不過今天有點雲, 遮了點太陽, 咪影o下雲彩.

☆參加抽獎☆

今日好開心, 因為抽中o左一d o野, 希望可以順利拿到獎品, 便可以與好朋友分享同看到他們喇!

☆與Harry Potter的相遇☆

還記得第一次與Harry Potter相遇是在幾年前某一日, o係屋企得閒的時候見到Harry Potter電影第一集的dvd, 咪攞出o黎睇o下, 發覺好好睇呀, 馬上便戀上這個魔法世界. 之後, 在一次台灣旅行, 見到Harry Potter的書大減價 (那時已經出到第二集了), 便買了它們. 後來, 繼續買他的三﹑四﹑五及六集, 現在終於出到第七集大結局了.

我比較鍾意第一同第二集, 內容簡單些, 比較像童話故事. 第四集都不錯, 講魔法比賽同You-Know-Who的回來. 第五集開始, 就人物太多, 劇情複雜, 有時都睇到有d亂.

講番第7集 (睇o左幾日, 今日終於睇晒), 講Harry o係度尋尋覓覓, 一時講東一時講西, 開頭都睇到我有點迷失, 不過後來o係Hogwarts o個段又緊張番, 結局是happy的, 變番童話世界. Good!

不經不覺Harry Potter已陪o左我幾年, 好開心現在終於有個完結 (我不太喜歡沒完沒了的故事啦), 而且是happy ending呢.

☆A nice weekend☆

今日一早便去o左做Yoga lu.
**************************************************

跟住見外面咁熱, 咪去Yoga樓下唱K, 好抵唱, $50包lunch同任飲, 唱o左兩個半鐘.
**************************************************

然後去o左田園書屋攞我預訂了的Harry Potter第7集, 昨晚都有d緊張唔知個結局係點, 今日終於可以睇lu. 預訂的時候, 田園已送了張$10書卷, 今日去攞書的時候, 又送多一張, 真好, 那便周圍看看有沒有書想買.

在田園門口貼o左本飛輪海的<海角一樂園>寫真集, 見佢已由$100 8折o左成$80, 又可以再用那2張書卷, 咪諗住買啦 (之前都想買o架啦). 在店內搵唔到本寫真集放o係邊度, 咪指住門口o個本同店員講要一本o羅 (咁大個人都有點唔好意思開聲o麻).

點知個店員話﹕「<勇氣之書>?」(以為我想買放在隔離的<勇氣之書>) =_="
咁我咪話﹕「唔係, 呢本呀. 」(我再指指寫真集)
點知佢又再問﹕「<勇氣之書>?」 *_*
咁我咪話﹕「飛輪海呀. 」
跟住佢又好似聽唔到咁, 咁我咪講多次﹕「飛輪海呀!」
然後佢又confirm我喎﹕「O! 飛輪海. 」
我﹕「係呀... ... 」

間田園都唔係大o架啦, 又多人, 真是有點兒尷尬. (還被你笑了半日呢...)
**************************************************

之後行o左陣街, 買o左件外套同一條裙.
**************************************************

晚上在炭火燒食日本o野, 第一次去的, 環境舒適, 沒有太多人. 我點了义燒烏冬定食, 食物ok la.
**************************************************

今晚睇本寫真集的時候很開心, 真的令我放鬆了點心情 : ) 本寫真集仲有隻dvd﹑puzzle同folder送添, 好精美喔 ♡♡

最後便投入Harry Potter的世界.

☆青山寺祈福法會☆

今日到屯門青山寺影相, 第一次用新買的Canon 400D相機, d相真係幾靚喎, 好清同d色與真實物件相近.

青山寺祈福法會為回歸十年慶祝活動之一, 是我近日上的攝影班第一次外影活動. 這次活動首先在青山寺附近的一間小學舉行, 有銀樂隊表演﹑ 舞獅﹑舞龍同頌經. d小朋友著晒銀樂隊衫好得意o架, 不過他們便辛苦了, 今日真是超熱啊!

導師話小朋友個影好靚, 可以影o下 (其實都唔知要點影) --

好厲害呀!!

跟住便到舞龍上青山寺, 第一次這麼近看舞龍喔, 不過要跟住他們一齊行上山, 仲要快過他們先影到龍頭... 好熱呀...

上到青山寺了, 大家都辛苦囉, 要好好休息喔.