窗簾

之前行過旺角同沙田的窗簾舖 (有d仲睇咗幾次), 昨日終於揀定了一間同定了款.

廳我地揀了做冚+布+紗 (布向屋內), 布嘅顏色係淺卡其色, 有少少皺布同"令"面, 線條款, 襯了一個白色底間直條銀線的紗, 我地專登揀d閃嘅紗, 好似有太陽晒落黎的時候會幾靚咁. sales話送對箍住窗簾的掛球俾我地, 不過要在牆鑽個孔放鈎, 先可以鈎住個掛球. 佢話咁樣靚d, 本來我地都心大心細唔知好唔好鑽牆, 跟住sales攞咗d無整掛球嘅窗簾嘅相俾我地睇, 話都唔想你地俾咗錢做出黎效果唔好, 原來唔整真係無咁好睇, 窗簾與牆間會漏光架.
(仲有個小插曲: 行窗簾舖的時候, 有d sales介紹將個紗做係面, 即係紗向屋內, 咁樣層紗會揀靚d, 多d花, 通常都會好透, 然後揀plain d嘅布, 托番層紗, 咁樣做都幾靚, 不過無咁實用, 層紗完全遮唔到太陽, 所以我地最後都揀了傳統做法, 咁樣剩係拉層紗嘅時候會遮到d光, 又唔會好黑, 幾舒服咁.)

主人房是睡房的原故, 所以揀了遮光布 (都係sales教的). 布款我地揀了紫色"令"面, 有玫瑰花壓紋, 對我地黎講算是有少少特破揀了紫色, 好似會幾浪漫咁♥ 襯埋d深色傢私, 應該幾好吧.

細房揀了卡其色條子的布, 配合番細房簡簡單單的設計. 細房窗台做了個絲絨坐墊+cushion. 另外, 細房個細窗都採用了sales的意見, 整咗少少款.

這間窗簾舖唔算好平, 不過他們的確俾咗不少有用的意見俾我地, 加上又揀到啱心水嘅布, 暫時都覺得幾好, 不過要睇埋end product靚唔靚.

裝主人房同走廊燈

今日新屋裝主人房同走廊燈. 由於個人對水晶燈的情意結, 這兩盞都係水晶燈 (其實好有可能全屋都會係水晶燈…). 可能因為間屋暫時只得餐枱, 這兩盞水晶燈真係令間屋生色不少, 特別喜歡主人房果盞, 我地揀咗有少少吊落黎, 襯埋d傢私應該會幾靚的.

電視

今日買了電視, 遲d上新屋有電視睇喇!

試婚紗晚裝

今日去了唯美主義試Big Day的婚紗晚裝 (遲d婚前1個月時可以再試, 試新款同轉款的). 我地首先睇相簿揀咗d鍾意嘅款, 跟住sales會攞出黎俾我試. 結果我暫定揀了:

1. 通花絹料拖尾婚紗 - 我同bf都對通花絹料婚紗情有獨鍾♥ 絹料會grand d, 好啱註冊march-in時用.

2. 閃閃紗料拖尾婚紗 - 件婚紗都幾閃, 晚宴march-in有d射燈射住, 應該都幾好.

3. 桃紅色晚裝, 我自己超鍾意這件桃紅色晚裝, 裙尾係泡泡款, 我覺得著得我好靚, 好襯我, 媽咪都係咁講, 而且桃紅色好sharp, 影相應該會幾好.

4. 紅色晚裝 - 敬酒時用, 襯金器幾靚, 不過sales話紅色同桃紅色太似, 唔會一齊揀.

5. 金色晚裝 - 敬酒時用, 不過好似紅色襯金器出d, 但係紅色同桃紅色又可能太似, 所以都心大心細唔知揀金色定紅色好. 不過這件金色晚裝著得我麻麻地好睇, 可能遲d轉款時都唔會揀佢.

6. 湖水綠色晚裝 - 送客時用, 這件我自己覺得幾特別, d湖水綠色係漸變的.

原本諗住揀d A-line款, 不過我著起又好似唔係咁靚, 結果都係揀晒綱紗款~~

♥甜蜜台灣之旅 Day 2♥

化妝姐姐準時7點上到我們的房間, 馬上開始同我化妝, 原本我都準備好了乾濕粉卜, 假眼睫毛同安瓶, 點知她全部都準備好了俾我啦. 另外她聽我昨天說要皇冠襯婚紗, 她帶了很多皇冠黎俾我揀, 同埋她聽我說想要d花仔襯我粉紅色的晚裝, 她自己昨天專登整了一些花仔頭飾俾我, 那些花仔整到真係好襯條裙, 真開心啦. 我覺得她化得幾好, 幾自然, 同個頭set得幾好, 我幾鍾意. 之後, 助手同攝影師都陸續上黎, 攝影師係後生仔黎嘅, 他問我地想要咩風格, 我說要浪漫啦♥

9點幾化好妝便出發, 司機幾細心, 準備了水同飲管俾我地, 用飲管飲唔會整走d唇膏. 出去的時候有點雨... (昨天明明好好天架), 確實有點擔心...

我先著婚紗影的. 第一站本來是陽明山的黑森林, 上到陽明山好大雨...... 真的有點無奈... 加上那個黑森林唔知係咪有人拍緊戲, 欄住咗. 攝影師便跟我們說去另外一個地方拍, 那裡有差不多的景, 我們惟有說好啦, 因為實在太大雨, 好彩黑森林唔係我地最想影的地方. 然後去咗一個湖, 有d荷花架, 這個地方都幾靚, 又無咁大雨喎, 同埋這地方係additional, 唔係原本條路線內啦.

第二站係大屯自然公園, 好奇怪, 到這裡便開始有太陽, 真好, 開心番晒~ 司機見我地將會去一d草叢影相, 便買了蚊怕水俾我, 很好人同細心啦. 攝影師帶了我地到一些樹木中影相, 算是補番黑森林的景, 另外我們發覺這裡有我們常常在別人的婚照看到像路軌的景, 我地都覺得幾靚的, 所以我地request了影, 好開心喔~

第三站是去台灣影婚紗照最想影的景 -- 大屯農場. 真係好好, 去到大屯農場超好太陽啦~ 這農場真是很適合影婚紗照, 花海, 鋼琴, 千秋, 風車都是必影的, 另外最鍾意它有一個景係有條木橋伸出去個湖度, 好靚. 在這裡換了深藍色的晚裝再影了一些相, 她們都說件深藍色的晚裝很靚. 跟住便食lunch.

第四站是風力發電站, 有d大風車, 在這裡影了一些著了婚紗鞋的相~ 走之前在這裡換了粉紅色的晚裝. 轉妝的時候, 助手用我地的相機幫我地影了幾張相, 有一張化妝姐姐仲攝埋入鏡一齊影, 好搞笑. (台灣同香港真的有點分別, 聽說在香港影婚紗照係唔俾自己影相, 要偷拍的.)

第五站是石門幸福廣場, bf在這裡影了一些我覺得幾型的相, 化妝姐姐都話: 好師喔~ (我在旁偷笑)

最後一站是白沙灣海灘, 來到沙灘剛好有夕陽. bf換了casual白色恤衫同牛仔褲. 在最後一站攝影師要求了bf抱起我, 好好玩喔~ 最後我地仲request咗落水影, 玩吓水添~

玩到濕晒同好多泥呢... 好彩司機有流動帳篷俾我換衫. 司機見我地影完相仲買了一些粽俾我地食, 真的好好人呀.

雖然未睇d相, 唔知影成點 (第一次影, 當rehersal啦), 但總括來說今次覺得幾好彩同拍得幾舒服, 要有太陽的地方有太陽, 有夕陽的地方有夕陽, 化妝姐姐好落力同我化妝同補妝, 攝影師ok, 司機好細心. 係助手麻麻地, 想她可以再教我地擺多d pose. 好想快d睇吓d想喔~

影完相, 先回酒店梳洗吓, 便去台北101看看, 食埋晚飯.

♥甜蜜台灣之旅 Day 1♥

期待已久的台灣之旅今日終於開始了! 這次trip主要目的是拍婚紗照, 第一次拍啦, 好緊張喔. 今日搭10點鐘的飛機, 1個多小時的飛機, 好快便到了. 我們先到酒店 -- 天成大飯店放低行李, 唔知係咪期望過高, 這酒店俾我想像中無咁靚, 加上她們安排了一間無窗的房俾我地, 最差係無護髮素, 不過這酒店確實乾淨同方便(正在台北車站對面). 在酒店打了一個電話同法國婚紗台灣那邊的同事溝通, 主要講吓我們明天拍照時我想要的頭飾啦.

鼎泰豐

跟住便出發去食o野~ 這個台灣trip的第一餐便是鼎泰豐, 我們跟著旅遊書咁講搭捷運去, 但去到發覺鼎泰豐原來係完全唔近捷運站, 結果我地行咗20分鐘先去到... 去到都兩三點了, 所以都唔洗點等位. 我們點了小籠飽, 雞湯, 鮮肉大包, 油豆腐細粉同赤豆鬆糕, 除了鮮肉大包外, 其他都好好味, 食到飽飽每人都係around HK$100, 都幾抵食. 食完問一問職員點搭車去下一站 -- 淡水, 她很好人地教我們先搭巴士去台北車站, 然後在台北車站搭捷運去淡水, 唔洗又行20分鐘去捷運站... 她們仲幫我地換d散紙搭巴士添, 服務態度一流.

淡水

去到淡水, 我們先到淡水老街行吓, 主要是賣一些手信同有好多小食檔. 之後我地行咗去紅樓, 這紅樓有超過一百年歷史, 而家係一d餐廳, 可從紅樓望淡水一帶的景色.

跟住搭紅26號巴士去漁人碼頭行情人橋同睇日落, 聽說這裡的日落好靚喔~ 真的有很多人來看.

我覺得情人橋在夜晚開了燈都幾靚o架. 我們在情人橋附近買了淡水一大人氣小食 -- 魚丸湯, 是一些裡面有料的魚蛋, 味道一般啦.

我們坐船回去淡水老街那邊, 買了杯果汁, 超大杯的同埋見她真係用了很多生果榨出黎, 都係~HK$10, 好抵同好好味~ 跟住在淡水老街搵到一間可以diy做擺設的舖頭, 為配合今個trip的主題, 我地整了一對結婚公仔的相架, 整到間教堂好似在海中間咁, 好靚架.

劍潭

之後去了美麗華百樂園玩幸福摩天輪~~ 坐摩天輪真的好浪漫喔♥

最後去埋士林夜市, 食了柯仔煎, 大雞排, 大腸包小腸. 大雞排真係超大塊.

明天就拍婚紗照啦, 超緊張喔~

♥試妝♥

將在9月13日搵好友幫手在香港影婚紗相, 為此找了一位化妝師幫我化妝, 今日去她度試妝, 雖然係試妝, 但她都好有心機幫我化, set頭同揀頭飾. 晚上約了bf食飯, bf一見到我化了妝的樣子, 都笑晒, 好似唔係好認得我咁, 話好靚~ 呵呵呵~~