☆整音樂盒☆

今日很開心, 你帶了我來整音樂盒, 這次音樂盒的主題是春天, 經過一輪研究, 覺得屋﹑樹同湖是最好的配搭. 音樂選了 Fly me to the moon.

選好材料之後, 店主便繼步教我們整:

1. 先鋪音樂盒身的草

2. 黏湖邊的石仔

3. 鋪d藍色珠仔作為湖水

4. 鋪音樂盒面的草 (友人鋪鋪吓將d草鋪埋落個湖度...)

5. 跟住黏屋﹑樹﹑龍貓同欄杆在適當的位置

6. 然後在音樂盒身貼上我們的名字

7. 最後在草地上洒些少紅色粉作點綴, 咁我們的部份便完成

8. 店主之後替我們在湖面塗一層膠, 令它更似湖水. 另外, 她幫我們換了個轉得的音樂盒座, 那便大功告成了!

很喜歡那個心形湖喔♥

今日出來走走, 這幾天的緊張心情放鬆了些.

☆北海道夏之旅 - 籌備中 (1)☆

上星期訂了七月的機票去北海道, 主要去富良野同美瑛看花同田園, 雖然很開心很期待, 但富良野七月份實在太旺, 好難book到理想的pension, 搞行程搞到有點煩, 其他事都沒時間做.

☆Chanel Mobile Art☆

今日去了Chanel Mobile Art, 其實唔係好知佢想表達咩, 不過覺得有個展品很有趣 -- 我入到一間黑房, 只能看到地面上雨後剩下來的一灘灘水, 水上反映了一排屋, 屋內的人是會走動的. 天空會慢慢由光變暗, 屋內的燈光亦會慢慢熄滅, 直至第二天的來臨, 人們又開始活動. 不時亦會有水滴滴落那灘水上, 然後產生漣漪, 很真實.

☆學整心太軟☆

今晚好開心, 與一眾好友學整心太軟, 其實好多都係miss整, 我哋掛住影相同傾計, 呵呵呵...

☆粒粒藍莓鬆餅☆

今日見得閒, 咪攞之前買落嘅藍莓鬆餅粉出o黎整吓. 原本幾成功o架, 就係最尾掛住洗嘢, 唔記得咗睇住d muffins, 焗多咗兩分鐘, 搞到個面有d燶添......

材料:

4個muffins份量　－　家中一人一件啱啱好 :）

藍莓鬆餅粉, 水 45g, 蛋 70g (我用咗1隻蛋, 大約60g), 牛油 56g (座溶)

做法:

1. 將水, 蛋加入粉料中混合
2. 用打蛋器中速 (我用1號) 攪拌4-5分鐘
3. 加入溶牛油拌勻
4. 放入杯中, 焗約25分鐘便成 (應該23分鐘便可)

成個過程加埋洗嘢用咗個半鐘.

☆Valentine's Day☆

2月14日

今晚我和友人到了我們都喜愛的和民慶祝情人節，我買了模型送給友人（原本是神秘禮物，點知之前俾友人問吓問吓問咗出ｏ黎），他送了閃”令令”耳環同音樂盒給我，ｈｅｈｅ. 另外，我昨晚整咗朱古力, 本來諗住今晚有得食, 點知件朱古力雪咗成晚都唔凝固, 惟有等到星期六先送啦.

2月16日

今晚與友人再慶祝情人節, 我早上一早便起床縫埋件蛋糕同睇吓件朱古力雪成點, 點知件朱古力仲係未凝固, 好似糯米糍咁嘅質感, 本來有六件, 我只是切了兩件出來, 其他都掉了. 友人說件朱古力"好食"喎.

友人今晚book了西貢的Anthony's Catch食意大利菜, 間餐廳幾有情調, 紅色的餐桌上都點了蠟燭同放了一枝紅玫瑰. 坐了一會, 侍應便拿了一藍麵包來, 塗上原粒焗的蒜頭, 幾好味, 跟住是網友都推介的忌廉青口, 真係好好味, 個sauce好濃, d青口又大大隻. 之後是龍蝦湯, 味道濃郁, 不過稍鹹了一點, 個湯挺大碗, 飲完都有d飽. 主菜是煎魚同大蝦帶子意粉. 個魚幾好味, 大蝦帶子意粉就普通. 我們都食到好飽. 今晚好開心啊! : )

☆年宵☆

今日下午考完試後, 靚靚心情馬上回復. 先與友人到銅鑼灣的千秋樂食晚飯, 跟住去行年宵, d檔口與往年差不多. 在一檔賣士多啤梨精品的檔口見到個士多啤梨飾物櫃同龜女攬眈都好靚, 但係唔知屋企有無位放那個飾物櫃, 猶疑了一會, 友人可能免得我成日問佢買唔買好, 他便買了給我, hoho~ 可以放飾物lu, 然後我說還有好多空放飾物喔, 呵呵呵!