☆姊妹聚會@和民☆

今晚與幾位好姊妹正式說出計劃與bf出年結婚的事, 同說說bf求婚的過程, 她們都恭喜我同替我開心, 亦願意做我婚禮的姊妹同司儀 (今晚天使因做野無出黎, 但她都說可以做我的伴娘呀~~) 真的覺得很感動喔~ 多謝你們~~~

☆第一本結婚雜誌☆

以前常常在雜誌舖見到d結婚雜誌覺得好靚, 現在可以買番本來看看了~

☆Hong Kong Disneyland後記☆

今日個腦成日播住Disney巡遊首歌, 想停都停唔到, 聽這首歌真的令人覺得好開心, 連bf都話"Disney真係好奇妙呀!", 有時又會諗番早兩日的事, 好開心 ^o^

bf仲整埋歌詞 (連人物講果d都寫埋...), 有時我會叫佢唱俾我聽吓, hehe:

Finale--香港迪士尼巡遊曲

(高飛: Oh yeah)
(唐老鴨: ~)
(米奇: 嘩)

眾: Zip-a-dee-doo-dah, zip-a-dee-ay
米妮: My, oh my
米奇: What a wonderful day
(布魯圖: wow wow)
高飛: Where are you sunshine headin' my way
(米妮: Ar ha)
眾: Zip-a-dee-doo-dah, zip-a-dee-ay

眾: Because the party is starting
So get into gear
Come join the magic now
Cause you are welcome here (唐老鴨: ~)

The princess and [ ], are far hear from you
And you should magic now
Cause you are welcome here

Who's the leader of the club
That's made for you and me
M-I-C-K-E-Y M-O-U-S-E!
Mickey mouse (唐老鴨: ~)
Mickey mouse (唐老鴨: ~)
Forever let us hold our banner high! (米奇: 無得彈)

眾: See this wonderland
(高飛: 真係好呀)
眾: We wish you start hurray

眾: 一心都知你在派對中
在這天 和你好相見
神奇魅力千變 留著你於身邊

王子 魚仙 隨處都可見
神奇魅力千變 期待你這張臉

眾: Seen you all believe that dreams come true
(米妮: 喺呢度真係好開心呀)
眾: We know someone whose waiting just for you
(米奇: 喂, 見到你地真係開心喇)

眾: Welcome to my family (高飛: 一齊拍手啦)
歡迎進入這個家 (米妮: 個個都要拍wow)
Welcome to our family (唐老鴨: ~)
歡迎進入這個家

眾: We hear the charming cause the party is starting
So get into gear
Come join the magic now
Cause you are welcome here

The princess and [ ], are far hear from you
We must the magic now
Cause you are welcome here

Heying hiding holding
[ ] view
Inside the magic world
And you are welcome here (米妮: welcome)

We gonna to see you
It’s perfectly will
You are the magic now (米奇: 神奇魅力的你)
You are the magic now (米妮: 好奇妙呀)
And you are welcome here (米奇: 無得彈)

[ ]果d聽唔到, 如果各位知道, 請話我知.

☆5周年@Hong Kong Disneyland Day 2☆

今日7點幾起身, 8:30落去Enchanted Garden食早餐buffet, 真是超多野食, 好似食lunch咁, 這裡最特別係食食吓會有些Disney人物出黎架! 有米奇, Daisy, 高飛同Pluto, 他們會到每張枱打招呼的. 食這個buffet會好忙, 又要攞野食, 又要食野, 又要影相, 不過好開心.

食完早餐, 番房瞓了一會, 好hae. 跟住去室內泳池游水, 其實我都唔係太識游, 又無帶goggles, 成個泳池得我游... (bf睇住我游) 好似好奇怪咁, 所以游了一陣就走, 大約3分鐘到... 個救生員都問 "e? 咁快走嘅?" 個室外泳池都好靚架, 不過而家裝緊修, 無得用住, 但係Disney話我們可以用Hollywood Hotel那邊的泳池.

回房梳洗一番後, 去check-out, 在酒店門口又見到Disney公主喇!

跟住去咗公園行一陣, 那裡有個米奇迷宮架! 即係迷宮中間有個米奇圖案, 好得意呀, 我們都玩了一會兒.



間酒店真係超靚~


行完Disneyland Hotel見有時間, 仲坐shuttle bus去埋Hollywood Hotel睇吓. 我覺得Hollywood Hotel無咁靚, 現代d.

跟住便再坐shuttle bus去Disneyland lu. 隔了一日, Disney又佈置多了好多新年飾物了, 城堡前有個大心形桃花~ 在這裡拍了不少照片.

今日我們玩了泰山樹屋, 森林河流之旅同幸會史迪仔, 跟住又去米奇動畫影室學畫畫, 今次學畫Daisy, 排緊隊嘅時候, bf在附近看看, 特然笑笑口回來, 用"無你咁好氣"的眼神叫我帶埋相機去一個指示板看看, 原來有飛輪海在這裡畫的Mickey! 好開心呀, 然後猛對著指示板影相, 跟住又笑笑口回去 ^o^. 原來Daisy都幾難畫, 因為她唔係好似Minnie咁畫圓形就可以, 不過都畫到嘅.

畫完Daisy, 差不多有parade, 所以再看多次. 跟住再在米奇動畫影室學畫Winnie the Pooh, 估唔到Pooh Pooh係由一個正方形開始畫的, 仲要畫埋Pooh Pooh鼻上的蝴蝶架, 我覺得我畫得不錯架. 畫完畫在教室內影吓相, 導師仲叫我地上台影添. 跟住去夢想花園搵Pooh Pooh影相, 他真的好可愛喔~ 差不多6:30的時候, 我們又到城堡前等看煙花, 這煙花真的百看不厭呢, 真的看到嘩嘩聲, 連bf都話靚~

然後回酒店攞行李, 到了酒店又有點不捨得走, 在酒店行了一圈, 之前在網上知道酒店定時會有人奏音樂, 終於俾我地見到, 原來就在我們的房間對出的位置. 我們仲在我們昨晚的房間門口影了相添. 然後就很捨不得地回去了. 今個trip真的好開心~ 好甜蜜~

☆5周年@Hong Kong Disneyland Day 1☆

今年是與bf一起第5年, 算是一個特別的周年年份, 所以他帶了我去Hong Kong Disneyland住一晚好好慶祝一吓. 我們大約十點入到去, 先坐酒店的shuttle bus到酒店放底行李. 我們book了Hong Kong Disneyland Hotel, 間酒店真係超靚! 好似話係Victoria style. 一入酒店便看到白雪公主同d小朋友係度玩, 我們check-in完, 在大堂放下行李, 便與白雪公主影相, 好開心呀, 跟住仲見到灰姑娘, 她教我們擺了一個很搞笑的post呢. 影完相便坐番shuttle bus去Disneyland.

Disneyland已開始佈置新年飾物了, 好開心啊, 好想快d入去玩喔. 入到樂園見到有Mickey同Minnie可以影相, 雖然頗多人排隊, 但我地最後都排了, 因為次次都因人多而無影到, 今日點都要影番次. 排緊Mickey同Minnie的時候, 我地都各自去咗同Pluto同高飛影相. 大約排了大半個鐘終於到, 好開心, 可以同Mickey同Minnie影相.

跟住去咗玩Winnie the Pooh, 雖然玩咗好多次, 但都覺得好靚.

之後去咗玩新game -- 小小世界, 這game比我想像中好玩, 因為佈置得好靚, 船仔一路載我地去不同的地方, d公仔整得好似, 好靚, 會跳舞, 會眨眼的, 一路唱著不同語言的"世界真細小" 好厲害, 有時仲會見到Disney人物添, 最後一站係香港呀~

之後玩了巴斯光年同Space Mountain. 食完午餐去看High School的表演, 不過就真是有點悶, 唱吓歌, 跳吓舞咁. 跟住玩我最鍾意的3D米奇幻想曲~ 下午3:30去看Disney parade, parade首歌好好聽, 加上他們又唱又跳, 令人好開心呀.

之後去了米奇動畫影室, 原以為這個game好悶, 原來都幾好玩, 是學習畫Disney人物, 我地今次學畫Minnie, 是由一個圓形開始畫的, 我覺得我都畫得不錯喔, 畫完都會有d滿足感. 最搞笑係, miss只教我們畫Minnie頭, 有位小朋友畫埋個身添, 好搞笑. 之後就影吓相, 影咗架Disney taxi, 那位的士司機好好人, 主動幫我地影相, 仲叫埋我地上車影, 跟住仲叫我地去司機位影呢, 好開心啊~ 然後坐吓火車, 最後仲玩多次小小世界添~

我們6:30到便到城堡前等看煙花, 我們大約坐在第3行, 都算好前, 準時7點放煙花, 加上配樂, 真的好靚好靚 (尤其坐前面, 可以睇埋城堡前的影像同燈光特別靚). 看完煙花到商店行了一會, 便回酒店了.

我們住6084號房, 第一次在香港住酒店, 好新鮮, 間房好靚, 張床好公主feel, 洗手間d用品有七個小矮人公仔呀. Disney的人知道我們慶祝周年 (bf說只是在訂房時提過吓), 特別送了張卡同一些毛巾公仔俾我地, 好得意, 他們真的細心. 今晚bf準備了一些禮物求婚~~~ 好甜蜜喔, 好感動, 本來都有點想喊, hehe, 不過他好快氹番我~ 今晚真的有做公主的感覺~

☆飛輪海簽唱會☆

今日做了一樣之前都無諗過會做的事, 就係去排隊攞飛輪海的簽名. 與兩位朋友約了一早大約十點幾去奧海城排隊, 我們都準備了櫈仔, NDSL, 雜誌, 食物, 哈哈, 自己都覺得有點瘋狂... 排到7點幾終於到我們, 可以上台攞飛輪海簽名同同他們握手~ 我當然同了大東握了手同可以好近咁見到他, 好開心喔~ 另外仲同了吳尊同阿綸握手, 無可口非, 吳尊真係好靚仔. 之後同bf同細佬講今日的事, 他們的反應都係: "吓?! 唔係麻, 你幾大呀?" 之類的反應... 雖然我都覺得今日真的有點瘋狂...

今日的主題曲 -- 飛輪海的越來越愛:

亚纶:如果青春只剩一张绝版海报

把你贴在额角

亦儒:收藏你的背影变成无价之宝

够我到处炫耀

吴尊:走路都在飘吃不饱睡不好

脑袋都坏掉心狂跳太糟糕

有没有听到千里外

大东:我对你呼叫

合唱:怎麽办我越来越爱快给我大声公告白

爱就爱马上要精彩不要彩排

为你哭为你笑为你down 为你high

不抵抗不耍赖不悔改

管他的青红或皂白只要对你崇拜

吴尊:留你成为世界最后一个偶像

灵魂找到食粮

大东:不管你有没有空档分我目光

沦为快乐羔羊

亚纶:走路都在飘吃不饱睡不好

亦儒:脑袋都坏掉心狂跳太糟糕

有没有听到千里外渺少的呼叫

合唱:怎麽办我越来越爱高举着最夸张灯牌

第一个冲到第一排比谁都快

为你哭为你笑为你down 为你high

不抵抗不耍赖不悔改

管他的青红或皂白只要对你崇拜

亦儒:欧买尬我越来越爱 h:享受着宿命的安排

大东:眼看你致命的风采排山倒海

合唱:为你哭为你笑为你down 为你high

不抵抗不耍赖不悔改

亚纶:越煞车越停不下来反而越来越爱

合唱:欧买尬我越来越爱用力爱天都塌下来

爱若是你给的天灾我要被害

为你恨为你爱为你坏为你乖

不应该更应该才活该

越忍耐越停不下来只能越来越爱

大东:越来越爱大声表白oh看我使坏

合唱:只能越来越爱

大东: nononono wooo nonono wooo gogogo

合唱:只能越来越爱

如果青春只剩一张绝版海报
把你贴在额角

☆Christmas@迪欣湖 & Discovery Bay☆

今日與友人打算到郊外走走, 一來慶祝吓聖誕節, 二來解開近日來的悶氣. 我們決定先到迪欣湖走走, 跟住去愉景灣食晚飯. 原本以為這個行程好順路 (在欣澳站有巴士入愉景灣), 出了欣澳站才發覺迪欣湖在迪士尼站, 而不是欣澳站... 惟有再搭一個站到迪士尼, 所以拍到這張照片--


今日天氣好好, 有d太陽, 又不太冷, 好適合郊遊. 在迪士尼站行大概二十分鐘便可到迪欣湖. 迪欣湖比我想像中靚, 有些白木屋，是一個幾舒服的地方, 雖然唔係好大. 這裡可以玩水上單車的.

行行吓見到有個花圃, 令我回想起年中到訪北海道的花田, 真是很回味~　另外這裡有幾遍草地，在這裡休息或者野餐都幾好．

天空一舊舊白雲, 像棉花一樣, 很有趣--

迪欣湖門口有棵外形頗有趣的樹, 個身好肥, 所以拍了它下來--

行到5點幾, 便去愉景灣, 這裡佈置了一些薑餅人屋, d樹也掛了一些聖誕燈, 都頗有聖誕氣氛.

最特別的應該是在沙灘上, 他們用蠟燭砌了心形同MERRY X'MAS 2009字樣, 幾浪漫喔~ 拍了不少照片, 走入去心形內影的效果幾好架.

晚上到Sopranos食晚飯, 是一間意大利餐廳，我們訂了枱，但都要等．．．我們點了一個half rib, 一個扒同一個dumplings, 另外點了mango & strawberries smoothies. 食物ok (好似都是在愉景灣的ZAKS好味d), 價錢在節日來說算平, 沒有特別加價或只可叫x'mas special menu的限制，而且可以換到兩張免費船飛．

食完飯都差不多九點，到碼頭旁看迪士尼煙花，雖然有點遠同無音樂，但同場的人（包括我）看到煙花時都會嘩嘩聲呢～　看完煙花便搭船回去了，今天過了一日簡單而浪漫的聖誕．