☆Christmas@迪欣湖 & Discovery Bay☆

今日與友人打算到郊外走走, 一來慶祝吓聖誕節, 二來解開近日來的悶氣. 我們決定先到迪欣湖走走, 跟住去愉景灣食晚飯. 原本以為這個行程好順路 (在欣澳站有巴士入愉景灣), 出了欣澳站才發覺迪欣湖在迪士尼站, 而不是欣澳站... 惟有再搭一個站到迪士尼, 所以拍到這張照片--


今日天氣好好, 有d太陽, 又不太冷, 好適合郊遊. 在迪士尼站行大概二十分鐘便可到迪欣湖. 迪欣湖比我想像中靚, 有些白木屋，是一個幾舒服的地方, 雖然唔係好大. 這裡可以玩水上單車的.

行行吓見到有個花圃, 令我回想起年中到訪北海道的花田, 真是很回味~　另外這裡有幾遍草地，在這裡休息或者野餐都幾好．

天空一舊舊白雲, 像棉花一樣, 很有趣--

迪欣湖門口有棵外形頗有趣的樹, 個身好肥, 所以拍了它下來--

行到5點幾, 便去愉景灣, 這裡佈置了一些薑餅人屋, d樹也掛了一些聖誕燈, 都頗有聖誕氣氛.

最特別的應該是在沙灘上, 他們用蠟燭砌了心形同MERRY X'MAS 2009字樣, 幾浪漫喔~ 拍了不少照片, 走入去心形內影的效果幾好架.

晚上到Sopranos食晚飯, 是一間意大利餐廳，我們訂了枱，但都要等．．．我們點了一個half rib, 一個扒同一個dumplings, 另外點了mango & strawberries smoothies. 食物ok (好似都是在愉景灣的ZAKS好味d), 價錢在節日來說算平, 沒有特別加價或只可叫x'mas special menu的限制，而且可以換到兩張免費船飛．

食完飯都差不多九點，到碼頭旁看迪士尼煙花，雖然有點遠同無音樂，但同場的人（包括我）看到煙花時都會嘩嘩聲呢～　看完煙花便搭船回去了，今天過了一日簡單而浪漫的聖誕．

☆Christmas Eve@TST☆

今日有得放早，跟住便出了尖沙咀行一會，傍晚到噴水池同海旁影聖誕燈飾，晚上與好友到德興打邊爐，今次是第二次在德興打邊爐．我們坐在一個偏廳，幾好，無咁嘈．今日有dress code的－－穿紅或綠的衣服，另外載戴頸巾，帽或手襪.

今晚大家都好開心的聊聊天．另外，dada友人帶給我們意外的魔術表演！很有趣呢！跟住便到交換禮物環節，今年對禮物是個規定，要有圓形的元素．我得到一個神奇蠟燭，吹一下便會著，再吹一下便會熄，幾得意，放在蠟燭杯內好靚．

angang友人自家製作了一set杯給我們每人(Girls only~), 好開心，好鍾意我隻杯～ Thanks ar~　

另外，dada友人送了日本手信給我們呢．

差不多１２點便到外面倒數．四天的連假亦正式開始．．．

☆海角七號☆

最近看了海角七號, 這套戲在台灣好像大受歡迎, 真的是一部幾令人感動的戲, d配樂好好聽. 另外, d風景都幾靚, 令人有點想去墾丁. 不過故事的最後, 海角七號的信的收件人正就是酒店職員的祖母好像太巧合了吧...

☆"難忘"的生日☆

今日下午友人買了蛋糕和花來到我家慶祝我的生日, 很開心喔. 龍島的鮮果樂園蛋糕很好味, 有好多生果.





晚上打算到西貢白沙灣的Hebe One O One食飯. 出門的時天氣還可以的, 但上西貢的巴士時已非常大雨, 但諗住有兩把遮都唔怕啦, 點知落車後行錯路, 我們沿住西貢公路行咗十分鐘, 不段有車淺d水到我們, 真狼狽... 最後走回頭才發覺間餐廳就在落車處附近, 我們行錯方向...

這間餐廳好似有三層, 好似話頂樓對正遊艇會個海景, 可以睇日落. 我哋坐二樓的窗口位, 當日落雨所以個窗口落咗個透明幕, 睇唔清楚外面. 間餐廳新裝修好有歐陸風情, 好有氣氛.



我哋點了白汁青口作頭盤, d青口好大隻, 好鮮甜, 我哋仲用附送的麵包點埋連d白汁, 好好味.



主菜點了海鮮Risotto同牛扒, 個Risotto又係好好味, 可能係我對Risotto特別喜歡啦. 另外, 塊牛扒都幾厚, 煮得軟硬適中.





很滿意這餐飯, 應該會再來. 如果今晚無咁大雨, 那就更好, 不過仲算過了一個"難忘"的生日!

☆飛輪海想入飛飛演唱會☆

昨晚同朋友入博覽館去看飛輪海想入飛飛演唱會, 朋友的朋友幫我地買飛, 我覺得我們的位置非常好呀, 雖然離台還是有點遠, 影不到他們, 但是係演唱會中會有兩次係個天吊條橋落黎, 然後他們會行過去係上面唱歌, 而條橋就係我們前面! 那時便可好近看到他們. 個舞台係T字形, 中間有個大電視, 兩旁亦有電視, 間唔時會放吓煙花同吊個Fahrenheit的燈落黎, 都幾靚嘅.

除咗放條橋落黎嗰part, 我最喜歡的是他們唱<超喜歡你>的時候, 大家的氣氛真是很好. 另外是他們著晒六十年代的西裝唱英文, 國語同廣東話歌, 真係好搞笑, 他們唱廣東話歌真係唔知佢地唱咩, haha... 當然仲有大東彈結他, 都是很好, 他真係好靚仔喔~ 演唱會9點鐘開場, 大約11點半完.

☆中秋節☆

這個中秋節很好, 有3日假期. 我有2天待在家裡閒著, 早上出去飲早茶, 下午便在家上網看日劇, 看了Last Friends同求婚大作戰的special, 累了便瞓一陣, 或者食吓嘢, 真hea, 期待著十月份的兩天紅假.

求婚大作戰真是很好看, 雖然男主角的優柔寡斷有時會看到好煩, 但套劇好多位都很感動喔.

☆北海道夏之旅 Day 3☆

中富良野 (富田農場 > 町營薰衣草園 > 彩香之里) > 上富良野 (日之出公園) > 美瑛 (Tomte Rum pension)

Cottage Hiwamari

右邊的便是我們的屋了, 昨晚真的住得很開心, 很舒服.

這便是Dinning house了, 我們7:30到這裡食早餐. 早餐有麥皮, 火腿, 炒蛋, 蔬菜, 麵包(配牛油或藍莓醬)同牛奶, 都係好好味!

食完早餐到屋外行吓, 屋外有一遍薰衣草花田同草原, 真的很夢幻, 自己的屋外有一遍薰衣草花田.

八點鐘屋主車我們到富田農場, 很不捨得和他們同這cottage道別...

富田農場

富田農埸可以說是北海道最著名的薰衣草花田, 我們終於能來到這裡啦! 一入去已看見很美, 一大遍的薰衣草, 真的很感動喔! 這麼漂亮, 用心製作的花田, 竟然不用入場費, 真好!

幸福花田 - 薰衣草加埋這架車, 加埋這個花田名, 再加上與友人同行, 幸福 ♥

花人花田

秋季彩色花田

傳統薰衣草花田 - 行到這個花田, 已經澈底愛上了薰衣草了. 這裡剛好有一條像棉花的白雲同藍天, 令個薰衣草花田更加靚!

跟住我們去咗香水之舍, 很開心友人買了枝薰衣草香水俾我, 番香港的時候可以慢慢回味~ 另外仲買了好多紀念品同手信, 這裡的紀念品很精美架, 最喜歡它的testtube薰衣草, 我仲買了一束薰衣草添. 買完紀念品, 去食午餐, 我叫了個湯咖哩烏冬, 另外買了薰衣草波子汽水同哈蜜瓜, 哈蜜瓜真係超甜啊!

七彩花田 - 這便是常常在雜誌看見的七彩花田, 真的好靚喔~ 花田的主人真的很有心思.



町營薰衣草園

這個花田的特色是可以坐登山吊椅看薰衣草, 加上這裡不停播著日本長篇電視劇「來自北國」柔和的主題曲「北の国から」, 非常寫意. 我們已經愈來愈喜歡「北の国から」了, 首歌真的很柔和, 聽了感覺很舒服.

上到山頂了, 景觀與山下完全不同, 這裡遼闊很多, 微風輕送, 好舒服.

彩香之里

行完町營薰衣草園之後, 便按網友一條從中富良野站去彩香之里的捷徑行, 那條捷徑有一段係山路, 首先要沿斜路一直上, 斜路盡頭就係一個荒廢的花田, 跟住再上一條山路, 再穿過一小段樹林之後, 就會見到彩香之里, 友人拎住行李, 都行得幾吃力...

上到彩香之里, 我馬上吃了杯薰衣草味雪糕, 不過好似北西之丘的好味d. 彩香之里d薰衣草都好靚呀, 好紫. 這裡可以俾¥700親手採摘薰衣草架, 不過見之前已買了一束薰衣草, 所以我地無剪呀.

日之出公園

跟住搭火車去上富良野, 先到上富良野的觀光案內所 (車站對面)問點去日之出公園, 他馬上拿了張已畫好路線的地圖給我們 (我想一日內一定有唔少人問過), 然後我們按住地圖行, 行到對面天橋, 點知我地上錯了另一條天橋, 落番去的時候, 見到觀光案內所的人走過來同我地講行錯路, 他真的很好人呀, 咁遠都走過來, 而且原來他一路都看著我們有無走錯路呢. 二十分鐘到去到日之出公園, 日之出公園是個拍攝婚紗照的熱點, 這裡的確很浪漫呢~ 每年7月的第三個星期六及星期日, 這裡還會舉行薰衣草祭, 於日本全國招募的兩對新人會在此舉行薰衣草婚禮.

Tomte Rum pension

之後搭火車去美瑛的Tomte Rum pension, 其實上富良野都有很多pension, 不過看過Tomte Rum pension的網頁後, 真的好想住, 所以特意搭車回去美瑛住. 這pension與之前住的兩間又是有不同的感覺, 這間pension所有野都好精緻, 有很多好精緻的小擺設. 這pension有兩層, 樓下是dinning room及浴室, 樓上是房間, 我們的房間有一個大窗, 是對著一個山坡的. 6點半到樓下食晚餐, 個晚餐的頭盤有個好好味的芝士焗雞肉, 主菜是焗魚拌蜆 (唔記得影相...), 味道幾好, 不過份量較少.