☆一門☆

今晚試了這間日式餐廳, 佈置得像江戶時代一樣, 好特別. 聽說這間店很滿座, 所以我早一天book了位, 他們俾o左張4人方桌我們倆, 蠻舒服.

我們點了:

~ 蟹肉厚燒玉子 (招牌菜) - 味道不錯, 不過不是某些網友說的那麼特別. 玉子上印有"一門"反令我們驚喜呢!

~ 帶子串燒 - 好味, 燒得啱啱好, 仲有d醬汁留係帶子度

~ 石頭飯

~ 炒烏冬

同場加映:
跟住仲去o左人和荳品廠食凍椰汁豆腐花, 透心涼, 不過椰汁蓋過了豆腐的味道, 下次要試原味喔!

☆Happy Birthday to my Friend~☆

昨晚去o左佐敦的Marco's餐廳同朋友慶祝生日, 雖然訂o左位, 但都等o左半個鍾, 不過最後坐o左張近窗同無咁嘈o既位, 都算不錯. 這裡氣氛不錯, 只是有點嘈.

我們都點了鵝肝牛柳餐, 加個焗田螺. 平時都不是特別會點田螺o黎食, 見佢加$30有得食, 咪試o下囉, 點知很好味呀, 有六粒田螺, 焗薯底.

鵝肝牛柳餐包括:
~ 龍蝦湯

~ 三文魚他他 (心形的, 好可愛啊! 已食o左一塊啦, 呵呵!)

(用手機影的)

~ 鵝肝牛柳配意粉 (鵝肝頗大塊. 牛柳厚厚的, 亦燒得啱啱好)

(都是用手機影的, 開了夜間模式, 估不到效果好那麼多)

~ 朱古力心太軟 + vanilla 雪糕 (掛住食, 唔記得影相 :p)
~ 餐飲 (我點了凍奶茶)

每道菜都很好味, 我當然特別喜歡甜品朱古力心太軟, 暖暖的朱古力蛋糕包住朱古力醬, 好好味, 仲要加埋vanilla 雪糕, 食完唔會覺得好"流".

服務幾好, waiters很有禮貌. 另外, 有表演者現場彈結他同唱歌.

我們在雜誌剪了coupon, 有7折, 所以覺得好抵食呀, 個餐折o左都係$100左右 per head. 很好的一個晚餐.

☆花樣少年少女☆

本來睇完<交響情人夢>有點失落, 不過啱啱借o左<花樣少年少女>DVD, 好快便投入o左另一個故事lu, 呢幾日o係屋企o既時候就煲呢套DVD啦.

套劇開頭幾有趣, 後來講攝影師的那一段便比較悶, 不過吳尊會令你keep住睇落去. 但是套劇令我最記得的地方反而是秀伊(汪東城飾)經過一輪爭扎, 最終在大廳廣眾度大叫鍾意扮緊男仔的瑞莃 (Ella飾), 好搞笑, 最搞笑係秀伊真係唔知瑞莃係女扮男裝.

正如好多人一樣, 我好快便迷上吳尊, 好似妹妹仔咁. 睇度中段仲發覺大東是很可愛的喔. 睇完套劇便開始搵佢o地d資料, 發現吳尊不但帥同大隻, 有學識又有錢, 好完美的男人喔. 而大東很酷很man, 有時又好可愛喎. 佢o地的團體飛輪海的亞綸都很可愛, 所以我而家會很忙, 要繼續做他們的follow-up囉, 呵呵... (不過我知道你又會話我無聊... 放心吧, 我不會太瘋狂, 已不是真的妹妹仔年代啦...)

講番套劇, 首片尾曲<尊屬天使>同插曲<超喜歡你>都好聽, 完全配合番套劇的內容. 聽<超喜歡你>的時候又會諗番上面講的那個片段. 現在已經用o左<超喜歡你>做鈴聲啦.

☆加勒比海盜：魔盜王 (繼)☆

今日租o左<魔盜王>2 o黎睇, 好good喎. 比第1集更緊張, Jack船長依舊好型, 好鬼馬. 我最鐘意套劇最尾o個段, 好緊張 -- 一向精靈的Jack船長, 應該係鍾意o左伊莎, 結果被伊莎出買了...

不過睇完第2集都仲係唔明第3集...

☆加勒比海盜：魔盜王☆

因為等看電視在上星期播的<魔盜王>第1集<決戰鬼盜船>, 所以待到今天才看<魔盜王>第3集<終極之戰>. 第2集<決戰魔盜王>呢?? 還未看喔! 所以有d睇唔明<魔盜王>3.

<魔盜王>1 好好睇啊, 題材新鮮, 有d笑位. Johnny Depp扮船長扮得好似 (雖然我唔知真的船長是怎麼樣, 但就是覺得應該是他扮的那樣, 令我好投入部戲), 好型. 是Harry Potter同<星戰>之後我喜歡的西片.

<魔盜王>3就麻麻地, 有d唔明, 開頭d蟹仔同那位女海神o既出現最唔明, 唔知係咪因為無睇第2集呢... 大家有無睇十年之後o個段? 好彩之前朋友聽到別人說套戲謝幕之後仲有o野睇o架, 開頭我o地都好猶疑, 因為見前面d人走晒, 不過見後面仲有人坐o係度, 咪繼續等, 等o左好耐, 原來真係有o野睇, 1分鐘到..., 個結局算是happy ending, 都幾好 : )

要租番第2集來看先.

☆交響情人夢☆

一齣由漫畫改編的日劇, 以古典音樂為題, 但超搞笑. 講述鋼琴天才野田妹, 私底下其實是很髒,房間像個垃圾堆及會偷吃別人便當的女仔, 竟愛上了十全十美的音樂王子千秋真一 (千秋精通鋼琴同小提琴, 但其實想做指揮家). 在大家追尋音樂的同時, 發生了很多笑料.

劇內d古典音樂勁好聽, 最鍾意他們合奏的「2台のピアノのためのソナタ　ニ長調」(莫札特<雙鋼琴奏鳴曲K.448－第一樂章>) . 另外, 貝多芬<第七號交響曲>同<第五號小提琴奏鳴曲「春」>都好好聽.

我開o左第一集o黎睇之後就停唔到, 一口氣睇晒11集, 跟住仲睇第二次添~~

最終回是很感動的, 千秋王子千里迢迢到野田妹的古鄉找她, 最後千秋o係條馬路度見到野田妹, 然後立刻走上前擁她.

睇完套劇即刻玩<交響情人夢>nds game, 彈番d歌來聽.

☆中大 & 南蓮園池☆

今次係攝影班第二次外影, 去o左中大影荷花荷葉 --

中大新貌 --

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

下午同個friend去o左南蓮園池繼續影. 這裡環境好優美, 不過今日好多人呀.