The Parlour & 自家製晚餐

今日放假一天，同老公去了1881 The Parlour食lunch, 佢有set lunch, 包salad & dessert bar. 除左甜品麻麻地之外，其它食物都幾好。可能今日係閒日，所以唔係好多人，可以舒舒服服慢慢食，整體來說不錯喔~

晚上在家煮飯，好豐富呀 : )

薑蔥爆鮑魚 - 跟肥媽煮的，真係冇介紹，好好味。不過洗鮑魚真係要d時間，放假整先得。



蒸魚



菜心炒牛肉



冬陰功湯 - 用了之前在泰國買的冬陰功醬包煮的，自己加了蝦，秀真菇同蕃茄，不過煮得好辣，下次要落少d辣材料先得。



鮮果大蝦沙律 - 色彩繽紛，芒果好甜~

Lunch buffet@add@Prince

今日同好友到Prince Hotel食lunch buffet慶祝生日，好開心 : )



今日仲去了看看rubber duck, 好大隻!

蕃茄Focaccia

今日放假一天 :D 一早起身整左蕃茄Focaccia, 第一次整西式包喔~

這種包曾在一西餐廳食過，覺得好好味，所以好有興趣試整，今晚等老公放工番黎試味，hohoho~

日式照燒雞扒飯配沙律

今日整左照燒雞扒做晚餐，配埋沙律、飯同麵豉湯，好豐富喔，老公食得好開心，yeah : )

今次個照燒汁係用酒、生抽、味醂同糖調的（其實屋企都有支現成的照燒汁，不過支味醂就到期喇，所以今次試下自己調啦），都幾好味喎，幾似出面街的照燒汁。老公話d飯配呢個汁都幾好味~

臘腸排骨煲仔飯

今次煮得好過上次，沒那麼痴底。好好味，做法很簡單，餸同飯一個煲攪掂晒~

煮完加點蒸魚豉油作煲仔飯豉油，老公說更野味！

牛肉蕃茄湯烏冬

Afternoon tea@Kindergarten

今日好開心到了Kindergarten食tea, 近來都很喜歡去這類型的小店食野, 店內放著些可愛的小擺設, 還放置了些立體書可以隨便看看, 有趣有趣. 

 

 

 

 

很漂亮的三層架同可愛的食物~  (其他枱的三層架的款式是不同的喔)

 

 

很香濃的凍朱古力, 內裡還有Vanilla ice-cream, 真是必叫~

環境舒適整潔, 食物ok, 食完後我同老公都覺得這裡不錯, 可以再來.