豆腐芝士蛋糕

電飯煲

今日去睇電飯煲, 有好多款, 不過我地有心水牌子同一心諗住買個方形的飯煲, 所以都好快out咗一部份款. 最後有兩個揀 - 一個可整蛋糕, 一個唔可以整蛋糕但可以整risotto同煲仔飯. 因為已有一個小焗爐, 所以最後揀咗可整risotto果個. bf仲即刻叫我整俾佢食~

Club house's restaurant

昨晚去了新屋club house的餐廳食晚飯, 之前聽說話幾好味的. 餐廳環境一流, 有大大的水晶燈, 一邊有落地玻璃可望室外泳池, 不過唔係好大, 大概10張枱到.

我們點了一個二人餐 - 老火湯, 前菜, 二個餸, 白飯及是日甜品. d餸都好好味, 最令我驚喜的是個甜品, 本來以為是紅豆沙之類, 點知送來的是陳皮燉雪梨, 佢仲整得好靚, 張d陳皮絲放係半個雪梨的心. 另外, 佢唔太貴, 唔洗茶錢同加一, 每人大約$100. 搬咗之後食飯有好去處~ 遲d要試埋佢嘅飲茶先~

窗簾

之前行過旺角同沙田的窗簾舖 (有d仲睇咗幾次), 昨日終於揀定了一間同定了款.

廳我地揀了做冚+布+紗 (布向屋內), 布嘅顏色係淺卡其色, 有少少皺布同"令"面, 線條款, 襯了一個白色底間直條銀線的紗, 我地專登揀d閃嘅紗, 好似有太陽晒落黎的時候會幾靚咁. sales話送對箍住窗簾的掛球俾我地, 不過要在牆鑽個孔放鈎, 先可以鈎住個掛球. 佢話咁樣靚d, 本來我地都心大心細唔知好唔好鑽牆, 跟住sales攞咗d無整掛球嘅窗簾嘅相俾我地睇, 話都唔想你地俾咗錢做出黎效果唔好, 原來唔整真係無咁好睇, 窗簾與牆間會漏光架.
(仲有個小插曲: 行窗簾舖的時候, 有d sales介紹將個紗做係面, 即係紗向屋內, 咁樣層紗會揀靚d, 多d花, 通常都會好透, 然後揀plain d嘅布, 托番層紗, 咁樣做都幾靚, 不過無咁實用, 層紗完全遮唔到太陽, 所以我地最後都揀了傳統做法, 咁樣剩係拉層紗嘅時候會遮到d光, 又唔會好黑, 幾舒服咁.)

主人房是睡房的原故, 所以揀了遮光布 (都係sales教的). 布款我地揀了紫色"令"面, 有玫瑰花壓紋, 對我地黎講算是有少少特破揀了紫色, 好似會幾浪漫咁♥ 襯埋d深色傢私, 應該幾好吧.

細房揀了卡其色條子的布, 配合番細房簡簡單單的設計. 細房窗台做了個絲絨坐墊+cushion. 另外, 細房個細窗都採用了sales的意見, 整咗少少款.

這間窗簾舖唔算好平, 不過他們的確俾咗不少有用的意見俾我地, 加上又揀到啱心水嘅布, 暫時都覺得幾好, 不過要睇埋end product靚唔靚.

裝主人房同走廊燈

今日新屋裝主人房同走廊燈. 由於個人對水晶燈的情意結, 這兩盞都係水晶燈 (其實好有可能全屋都會係水晶燈…). 可能因為間屋暫時只得餐枱, 這兩盞水晶燈真係令間屋生色不少, 特別喜歡主人房果盞, 我地揀咗有少少吊落黎, 襯埋d傢私應該會幾靚的.

電視

今日買了電視, 遲d上新屋有電視睇喇!

試婚紗晚裝

今日去了唯美主義試Big Day的婚紗晚裝 (遲d婚前1個月時可以再試, 試新款同轉款的). 我地首先睇相簿揀咗d鍾意嘅款, 跟住sales會攞出黎俾我試. 結果我暫定揀了:

1. 通花絹料拖尾婚紗 - 我同bf都對通花絹料婚紗情有獨鍾♥ 絹料會grand d, 好啱註冊march-in時用.

2. 閃閃紗料拖尾婚紗 - 件婚紗都幾閃, 晚宴march-in有d射燈射住, 應該都幾好.

3. 桃紅色晚裝, 我自己超鍾意這件桃紅色晚裝, 裙尾係泡泡款, 我覺得著得我好靚, 好襯我, 媽咪都係咁講, 而且桃紅色好sharp, 影相應該會幾好.

4. 紅色晚裝 - 敬酒時用, 襯金器幾靚, 不過sales話紅色同桃紅色太似, 唔會一齊揀.

5. 金色晚裝 - 敬酒時用, 不過好似紅色襯金器出d, 但係紅色同桃紅色又可能太似, 所以都心大心細唔知揀金色定紅色好. 不過這件金色晚裝著得我麻麻地好睇, 可能遲d轉款時都唔會揀佢.

6. 湖水綠色晚裝 - 送客時用, 這件我自己覺得幾特別, d湖水綠色係漸變的.

原本諗住揀d A-line款, 不過我著起又好似唔係咁靚, 結果都係揀晒綱紗款~~