☆北海道夏之旅 Day 3☆

中富良野 (富田農場 > 町營薰衣草園 > 彩香之里) > 上富良野 (日之出公園) > 美瑛 (Tomte Rum pension)

Cottage Hiwamari

右邊的便是我們的屋了, 昨晚真的住得很開心, 很舒服.

這便是Dinning house了, 我們7:30到這裡食早餐. 早餐有麥皮, 火腿, 炒蛋, 蔬菜, 麵包(配牛油或藍莓醬)同牛奶, 都係好好味!

食完早餐到屋外行吓, 屋外有一遍薰衣草花田同草原, 真的很夢幻, 自己的屋外有一遍薰衣草花田.

八點鐘屋主車我們到富田農場, 很不捨得和他們同這cottage道別...

富田農場

富田農埸可以說是北海道最著名的薰衣草花田, 我們終於能來到這裡啦! 一入去已看見很美, 一大遍的薰衣草, 真的很感動喔! 這麼漂亮, 用心製作的花田, 竟然不用入場費, 真好!

幸福花田 - 薰衣草加埋這架車, 加埋這個花田名, 再加上與友人同行, 幸福 ♥

花人花田

秋季彩色花田

傳統薰衣草花田 - 行到這個花田, 已經澈底愛上了薰衣草了. 這裡剛好有一條像棉花的白雲同藍天, 令個薰衣草花田更加靚!

跟住我們去咗香水之舍, 很開心友人買了枝薰衣草香水俾我, 番香港的時候可以慢慢回味~ 另外仲買了好多紀念品同手信, 這裡的紀念品很精美架, 最喜歡它的testtube薰衣草, 我仲買了一束薰衣草添. 買完紀念品, 去食午餐, 我叫了個湯咖哩烏冬, 另外買了薰衣草波子汽水同哈蜜瓜, 哈蜜瓜真係超甜啊!

七彩花田 - 這便是常常在雜誌看見的七彩花田, 真的好靚喔~ 花田的主人真的很有心思.



町營薰衣草園

這個花田的特色是可以坐登山吊椅看薰衣草, 加上這裡不停播著日本長篇電視劇「來自北國」柔和的主題曲「北の国から」, 非常寫意. 我們已經愈來愈喜歡「北の国から」了, 首歌真的很柔和, 聽了感覺很舒服.

上到山頂了, 景觀與山下完全不同, 這裡遼闊很多, 微風輕送, 好舒服.

彩香之里

行完町營薰衣草園之後, 便按網友一條從中富良野站去彩香之里的捷徑行, 那條捷徑有一段係山路, 首先要沿斜路一直上, 斜路盡頭就係一個荒廢的花田, 跟住再上一條山路, 再穿過一小段樹林之後, 就會見到彩香之里, 友人拎住行李, 都行得幾吃力...

上到彩香之里, 我馬上吃了杯薰衣草味雪糕, 不過好似北西之丘的好味d. 彩香之里d薰衣草都好靚呀, 好紫. 這裡可以俾¥700親手採摘薰衣草架, 不過見之前已買了一束薰衣草, 所以我地無剪呀.

日之出公園

跟住搭火車去上富良野, 先到上富良野的觀光案內所 (車站對面)問點去日之出公園, 他馬上拿了張已畫好路線的地圖給我們 (我想一日內一定有唔少人問過), 然後我們按住地圖行, 行到對面天橋, 點知我地上錯了另一條天橋, 落番去的時候, 見到觀光案內所的人走過來同我地講行錯路, 他真的很好人呀, 咁遠都走過來, 而且原來他一路都看著我們有無走錯路呢. 二十分鐘到去到日之出公園, 日之出公園是個拍攝婚紗照的熱點, 這裡的確很浪漫呢~ 每年7月的第三個星期六及星期日, 這裡還會舉行薰衣草祭, 於日本全國招募的兩對新人會在此舉行薰衣草婚禮.

Tomte Rum pension

之後搭火車去美瑛的Tomte Rum pension, 其實上富良野都有很多pension, 不過看過Tomte Rum pension的網頁後, 真的好想住, 所以特意搭車回去美瑛住. 這pension與之前住的兩間又是有不同的感覺, 這間pension所有野都好精緻, 有很多好精緻的小擺設. 這pension有兩層, 樓下是dinning room及浴室, 樓上是房間, 我們的房間有一個大窗, 是對著一個山坡的. 6點半到樓下食晚餐, 個晚餐的頭盤有個好好味的芝士焗雞肉, 主菜是焗魚拌蜆 (唔記得影相...), 味道幾好, 不過份量較少.

☆前田真三的post cards☆

Mother Earth Trees

A Hilltop Tower in Four Seasons

☆北海道夏之旅 Day 2☆

美瑛 (拼布之路, 全景之路 > 北西之丘) > 中富良野 (Cottage Hiwamari)

今日一早便起床, 早餐的時間係7:30, 早餐都好豐富呀, 都係buffet形式. 食完早餐Kumasan便送各住客到火車站lu, 而我哋因為join咗Kumasan 9:00 既car tour, 所以食完早餐仲有時間, 我地執完行李之後, 就周圍影相喇, Kumasan間屋真係好得意, 好童話feel, 除咗有熊公仔, 熊標誌外, 仲有韆鞦同吊床架.



深山峠

Kumasan間屋隔離便是深山峠花田了, 有薰衣草同向日葵, 這裡雖然唔係好大, 不過加埋美瑛的田園景色都靚架.



拼布之路, 全景之路

9:00準時開始我們的Kumasan car tour遊美瑛, 有車真的很方便, 不用擔心行李的運送. Kumasan的英文幾好, 溝通完全無問題. 他仲會用廣東話介紹景點添, 好厲害! 另外, Kumasan在每個景點會停下來俾我哋落車影吓相, 行吓, 仲幫我們影合照添, 很好架. Kumasan帶我們遊美瑛的拼布之路, 拼布之路是指一塊塊花田同農田拼在一起, 好似布匹咁, 仲有全景之路, 景觀特別遼闊的意思. 看見美瑛這麼美麗的景色真是很感動, 很喜歡美瑛這個地方 --

全景之路

1. 麥田與麥桿捆 - 麥桿捆會被賣往牧牛場, 作牛場草皮用途. Kumasan話這個麥田是他的朋友的, 所以我們可以入去影相 ^o^



2. 紅豆田



3. 薯仔花田 - 而家未有薯仔花, 不過都好靚



4. Kan No Farm - 今日好好陽光, 令這裡比昨天更美~





5. 聖誕之木 - 因形態似聖誕樹而命名

6. 美馬牛小學 - 它尖尖的紅頂可是很有名喔, 是拓真館的攝影師前田真三的取材熱點!

7. 四季彩之丘 - 這裡有一pair麥人架

8. 白樺之道 - Kumasan話太陽在樹隙中射到地上, 這個景幾靚, 真的喎

9. 拓真館 - 展出了前田真三拍攝美瑛的照片, 真的拍得很漂亮, 好開心買了他的post card : )

10. 哲學之木 - 棵樹彎彎地, 好似諗咁嘢咁, 所以叫哲學之木

11. No name trees - Kumasan話這三棵是No name trees, but famous. 後來看書, 這三棵好似叫三本之木

12. 千代田之丘 - 養了各種動物, Kumasan帶了我們看馬, 我都是第一次咁近看馬. 另外上了展望台看風景.

13. 三愛之丘 - 在這裡撞到昨晚的住戶, 他們一位踏單車, 一位跑步遊美瑛. 跑步對我們來說有點吃力吧...

拼布之路

14. Mild Seven - 曾作香煙廣告的背景而得名

15. 親子之木 - 因三棵樹的形態似爸爸媽媽拖住小朋友而命名

16. Seven Star之木 - 曾作香煙廣告的背景而得名

17. Ken & Mary之木 - 曾在日產汽車廣告中作為Ken & Mary的背景, 因而被命名

18. Zerubu之丘

行埋Zerubu之丘, Kumasan的car tour便完結了, Kumasan好準時12:00便車我們回到美瑛駅. 參加了Kumasan的car tour是沒錯的, 能夠看這麼多漂亮的景色, .

在美瑛駅旁的四季之情報館鎖好行李同拿了些地圖後, 我們到向日葵拉麵食午餐. 我們決定下午行山上去北西之丘, 行咗差不多一小時才上到北西之丘, 今日好晒, 好熱... 不過途沿看見了美麗的景色, 都抵番, 仲見到工人運走d麥桿捆, 幾有趣呢. 上到北西之丘二話不說吃了杯薰衣草加牛奶雪糕, 好好味!

Cottage Hiwamari

大約5點鐘, 我們搭火車離開美瑛到中富良野, 火車準時5:30到達, 我們一出火車站便見到一位好親切的太太向我們走來, 她便是我們今晚入住的pension太太, 她駛了她的車來接我們, 好快便到了她的pension了, 這pension是她與她的丈夫經營的, 他們好像還有位女兒的呢. 這pension是一所所獨立屋的型式的, 我們兩人一間屋, 地下是廳同toilet, 二樓是睡房. 有自己的屋, 確在令人興奮. 休息了一會後, 屋主太太叫我們到dinning house (另外一間屋) 食晚餐, 食飯的時候知道今晚另有一家日本人, 一家香港人同一pair香港人入住.

晚餐是超美味及豐富的!!! 前菜有三文魚, 沙律同焗薯, 另外有梅酒 (好好飲架, 好甜) 同栗米湯. d材料真的好新鮮. 最後仲有超級美味的甜品同飲品, 好滿足! ^o^ 食完真係忍唔住同屋主太太講 "Delicious!"

食完飯, 我哋嘗試問吓屋主太太可唔可以幫我哋打個電話去旭川的蟹紅船訂定Day 5的枱 (因訂枱有折嘛), 她真很好人, 馬上幫我哋打, 仲同那邊的人傾咗好耐, 好似好熟咁, 好搞笑 (那一pair香港人住戶也很好人幫我哋呀). 今日又係早訓的一天.

☆北海道夏之旅 Day 1☆

香港 > 東京 (羽田機場) > 旭川 (雪之美術館) > 美馬牛 (Kan No Farm > Kumasan Log Family House)

28號晚出機場搭香港飛東京羽田機場的零晨機, 我們坐窗口位, 一上飛機便瞓覺. 清晨四點幾醒咗, 見到窗外啱啱出太陽, d雲橙紅色的, 好靚. 跟住食早餐, 味道一般. 六點幾到達羽田機場的International Terminal, 在機場梳洗一番後, 便搭shuttle bus到ANA Terminal, ANA Terminal比International Terminal大很多, 商店亦多很多, 足夠我們消磨兩三小時候機的時間. 我們除了逛商店之外, 亦走了上去展望台看飛機, 仲俾我哋見到架比加超飛機添! 大約十點半上飛北海道旭川的飛機, 一個多小時便到旭川了, 在機上看到旭川市一格格的田野已經興奮, 亦代表著我們的北海道賞花之旅要開始了~

雪之美術館

從機場搭了45分鐘的機場巴士出旭川市中心, 在旭川駅鎖好行李之後, 便去第一個景點了 - 雪之美術館. 今日好好天, 見到咁藍的天, 心情都很好. 雪之美術館內所有嘢都有雪花, 幾得意.

Kan No Farm

跟住搭火車去美馬牛駅, 美馬牛駅是一個好細的無人車站, 個站係一間屋仔咁, 都幾得意, 我們當然要拍照啦. 之後按著網友的捷徑行去我們第一個花田 - Kan No Farm. 我們諗住只係行一陣, 所以無鎖行李 (雖然美馬牛駅都無locker, 不過我諗站附近的小商店應該可以待管行李嘅), 點知那條路真的是捷徑, 大概20分鐘便可到達, 不過... 當中要行一段山路, 拉著行李確實有點麻煩, 結果我們將d行李放係草叢中 (現在想起來當時真的是有點大膽, hehe). 上到山上見到一大遍薰衣草花田, 好似紫色的地毯咁, 真的好靚. 這裡一邊是薰衣草花田, 另一邊是彩色花田, 兩邊都好靚喔~ 這個花田的主人很細心, 在花田整咗個凹位, 俾遊客走入去影相, 咁就可以拍到俾d花圍住的效果, 效果真的幾好架! 行了一會, 到草叢中攞番行李, 便回去美馬牛駅了.

Kumasan Family Log House

回到美馬牛駅後, 找了個電話打給我們今晚入住的pension屋主kumasan來接我們, 我們用英文同他講, 當講到美馬牛駅(bibaushi)的英文的時候, 只講咗"bi"的時候, kumasan特然用"純正"的廣東話同我哋講 "美馬牛?" 真是嚇了我們一跳呢, 估唔到他識講廣東話. 等咗一陣, kumasan便駛了他的車來接我們. 好快便到了kumasan的屋, 間屋真是屋型咁架, 全屋用木製成, 有兩層, 屋內有好多熊公仔, kumasan介紹了他的屋同我們的房間後, 仲拿了本他起屋的資料給我們看. kumasan話今晚有二十人入住, 全是香港人. 我們的房間在二樓, 係和式o既, 瞓塔塔米, 仲有個私人露台架, 間房都算乾淨, 不過就唔夠光, 只有一盞燈咋.

7:00準時食晚飯, 晚餐以buffet形式進行, 是kumasan同kumasan媽媽煮的, 食物的份量同味道都ok, 最意外是他整了個有kumasan標誌的燒餅給我們, 很有趣!

食完飯之後Kumasan就了解吓我哋聽日嘅行程, 我地聽日會join佢個car tour遊美瑛, 好似係得我哋join, 真好, 雖然個car tour比搭Twinkle bus貴好多 (都要成HK$二百多元一位), 不過可以睇多好多景點嘛. 食完飯無咩做, 便沖涼瞓覺, 是在香港少有早瞓的一天.

☆赤壁☆

今日與友人食早餐, 之後去看赤壁的早場, 幾好睇, 成套戲好緊湊 (雖然開頭唔係好知d人物邊個打邊個, 睇完之後都有好多嘢問), 另外, 林志玲勁靚. 套戲可惜分開兩集, 赤壁之戰都未做, 想快d睇埋結局.

☆日版花樣少年少女☆

今早一次過煲埋最後3集的日版花樣少年少女, 雖然成套劇o黎講我比較鍾意台版 (因為汪東城演的秀伊實在太搞笑了), 但我覺得日版的結局好d, 因為日版最後中津秀一都知道瑞莃係女仔, 而且表白了, 當然瑞莃同了佐野泉一齊, 但始終講清楚了嘛.

下午開始溫書, 睇咗半份notes就瞓著咗... 不過瞓咗個午睡之後覺得好舒服同精神好多啦.