☆惡作劇之吻☆

近排在看台劇<惡作劇之吻>, 成套劇一般, 不過後面睇到喊... :p 講阿金鍾意o左湘琴五年, 心願是同湘琴結婚, 為了能早日結婚, 高中畢業後便開始打工. 但湘琴好似他一樣, 一直只鍾意江直樹, 鍾意了五年. 湘琴就算和阿金出去玩, 心裡都只有江直樹, 阿金好痛苦喔, 真的要那麼執著嗎?

好像已開始拍<惡作劇之吻>2了, 唔知會講阿金點呢?

☆元朗及白泥☆

今日去o左元朗影舊屋同白泥影日落, 三點已到去到元朗影舊屋, 不過沒什麼好拍, 而且天氣太熱, 都無心幾影.

跟住搭小巴入白泥, 入到白泥都只是四點多, 太陽還是高高的, 很熱很熱. 這裡的環境是不錯的, 有d植物可以影o下, 影完一輪都只是五點幾, 有d唔舒服, 太熱la, 便去o左間士多買可樂飲同休息一o下.

坐到六點到, 老板娘問我o地係咪影日落, 告訴我們應該差不多時候了, 我們便行番去海邊set腳架, 這裡的日落真是不錯, 仲算無浪費曬o左咁耐. 不過今天有點雲, 遮了點太陽, 咪影o下雲彩.

☆參加抽獎☆

今日好開心, 因為抽中o左一d o野, 希望可以順利拿到獎品, 便可以與好朋友分享同看到他們喇!

☆與Harry Potter的相遇☆

還記得第一次與Harry Potter相遇是在幾年前某一日, o係屋企得閒的時候見到Harry Potter電影第一集的dvd, 咪攞出o黎睇o下, 發覺好好睇呀, 馬上便戀上這個魔法世界. 之後, 在一次台灣旅行, 見到Harry Potter的書大減價 (那時已經出到第二集了), 便買了它們. 後來, 繼續買他的三﹑四﹑五及六集, 現在終於出到第七集大結局了.

我比較鍾意第一同第二集, 內容簡單些, 比較像童話故事. 第四集都不錯, 講魔法比賽同You-Know-Who的回來. 第五集開始, 就人物太多, 劇情複雜, 有時都睇到有d亂.

講番第7集 (睇o左幾日, 今日終於睇晒), 講Harry o係度尋尋覓覓, 一時講東一時講西, 開頭都睇到我有點迷失, 不過後來o係Hogwarts o個段又緊張番, 結局是happy的, 變番童話世界. Good!

不經不覺Harry Potter已陪o左我幾年, 好開心現在終於有個完結 (我不太喜歡沒完沒了的故事啦), 而且是happy ending呢.

☆A nice weekend☆

今日一早便去o左做Yoga lu.
**************************************************

跟住見外面咁熱, 咪去Yoga樓下唱K, 好抵唱, $50包lunch同任飲, 唱o左兩個半鐘.
**************************************************

然後去o左田園書屋攞我預訂了的Harry Potter第7集, 昨晚都有d緊張唔知個結局係點, 今日終於可以睇lu. 預訂的時候, 田園已送了張$10書卷, 今日去攞書的時候, 又送多一張, 真好, 那便周圍看看有沒有書想買.

在田園門口貼o左本飛輪海的<海角一樂園>寫真集, 見佢已由$100 8折o左成$80, 又可以再用那2張書卷, 咪諗住買啦 (之前都想買o架啦). 在店內搵唔到本寫真集放o係邊度, 咪指住門口o個本同店員講要一本o羅 (咁大個人都有點唔好意思開聲o麻).

點知個店員話﹕「<勇氣之書>?」(以為我想買放在隔離的<勇氣之書>) =_="
咁我咪話﹕「唔係, 呢本呀. 」(我再指指寫真集)
點知佢又再問﹕「<勇氣之書>?」 *_*
咁我咪話﹕「飛輪海呀. 」
跟住佢又好似聽唔到咁, 咁我咪講多次﹕「飛輪海呀!」
然後佢又confirm我喎﹕「O! 飛輪海. 」
我﹕「係呀... ... 」

間田園都唔係大o架啦, 又多人, 真是有點兒尷尬. (還被你笑了半日呢...)
**************************************************

之後行o左陣街, 買o左件外套同一條裙.
**************************************************

晚上在炭火燒食日本o野, 第一次去的, 環境舒適, 沒有太多人. 我點了义燒烏冬定食, 食物ok la.
**************************************************

今晚睇本寫真集的時候很開心, 真的令我放鬆了點心情 : ) 本寫真集仲有隻dvd﹑puzzle同folder送添, 好精美喔 ♡♡

最後便投入Harry Potter的世界.

☆青山寺祈福法會☆

今日到屯門青山寺影相, 第一次用新買的Canon 400D相機, d相真係幾靚喎, 好清同d色與真實物件相近.

青山寺祈福法會為回歸十年慶祝活動之一, 是我近日上的攝影班第一次外影活動. 這次活動首先在青山寺附近的一間小學舉行, 有銀樂隊表演﹑ 舞獅﹑舞龍同頌經. d小朋友著晒銀樂隊衫好得意o架, 不過他們便辛苦了, 今日真是超熱啊!

導師話小朋友個影好靚, 可以影o下 (其實都唔知要點影) --

好厲害呀!!

跟住便到舞龍上青山寺, 第一次這麼近看舞龍喔, 不過要跟住他們一齊行上山, 仲要快過他們先影到龍頭... 好熱呀...

上到青山寺了, 大家都辛苦囉, 要好好休息喔.

☆一門☆

今晚試了這間日式餐廳, 佈置得像江戶時代一樣, 好特別. 聽說這間店很滿座, 所以我早一天book了位, 他們俾o左張4人方桌我們倆, 蠻舒服.

我們點了:

~ 蟹肉厚燒玉子 (招牌菜) - 味道不錯, 不過不是某些網友說的那麼特別. 玉子上印有"一門"反令我們驚喜呢!

~ 帶子串燒 - 好味, 燒得啱啱好, 仲有d醬汁留係帶子度

~ 石頭飯

~ 炒烏冬

同場加映:
跟住仲去o左人和荳品廠食凍椰汁豆腐花, 透心涼, 不過椰汁蓋過了豆腐的味道, 下次要試原味喔!